فوتو: مەملەكەتتىك باسقارۋ اكادەمياسى
EAPAA (European Association for Public Administration Accreditation) اككرەديتاتسياسى – مەملەكەتتىك باسقارۋ سالاسىنداعى وقىتۋ باعدارلامالارىنا ارنالعان الەمدەگى ەڭ بەدەلدى اككرەديتتەۋ قاۋىمداستىقتارىنىڭ ءبىرى.
رەكتور ەرلان ءابىلدىڭ ايتۋىنشا, EAPAA-نىڭ اكادەميا ءبىلىم بەرۋ باعدارلامالارىن حالىقارالىق دەڭگەيدە تانۋى اكادەمياعا اككرەديتتەلگەن جوعارى وقۋ ورىندارىمەن بىرلەسكەن قوس ديپلومدى ءبىلىم بەرۋ باعدارلامالارىن ازىرلەۋ جانە ىسكە اسىرۋ, بىرلەسكەن عىلىمي زەرتتەۋلەر جۇرگىزۋ ماقساتىندا ىنتىماقتاستىق ورناتۋعا مۇمكىندىك بەرەدى.
ء«بىلىم باعدارلامالارىن ىسكە اسىراتىن اكادەميا ساپانى قامتاماسىز ەتۋدىڭ بارلىق ستاندارتى بويىنشا ءوزىن-ءوزى باعالاۋ تۋرالى ەسەپتەردى دايىنداپ, ولاردى راستايتىن قوسىمشالارىمەن بىرگە تەحنيكالىق ساراپتاماعا جىبەردى. 2022 جىلعى 20-24 قاراشا ارالىعىندا ساراپتامالىق توپ اۋديت جۇرگىزدى. توپتىڭ اۋديت جۇرگىزۋ باعدارلاماسىنا سايكەس اكادەميانىڭ باسشىلىعىمەن, پروفەسسور-وقىتۋشىلار قۇرامىمەن جانە قۇرىلىمدىق بولىمشەلەرىنىڭ قىزمەتكەرلەرىمەن سۇحبات جۇرگىزىلدى. اككرەديتتەلەتىن ءبىلىم بەرۋ باعدارلامالارىنىڭ ماتەريالدىق-تەحنيكالىق بازاسى دا تەكسەرىستەن ءوتتى. اقپاراتتى تولىق راستاۋ ءۇشىن اككرەديتتەلەتىن ءبىلىم بەرۋ باعدارلامالارى (جالپى نەگىزگى كۋرستار) بويىنشا وقيتىن ءبىلىم الۋشىلارمەن جانە پروفەسسور-وقىتۋشىلار قۇرامىمەن سۇحبات جۇرگىزىلدى», دەدى مەملەكەتتىك باسقارۋ اكادەمياسىنىڭ رەكتورى.
اككرەديتتەۋدەن «مەملەكەتتىك باسقارۋ» (Public Administration), «ەكونوميكا» (Economics), «مەملەكەتتىك ساياسات» (Public Policy), «حالىقارالىق قاتىناستار» (International Relations) سىندى ءبىلىم باعدارلامالارى ءوتتى.
اكادەميانىڭ تاۋەلسىز حالىقارالىق اككرەديتتەۋ راسىمىنەن وتۋدەگى باستى ماقساتى – ىسكە اسىرىلىپ جاتقان ءبىلىم بەرۋ باعدارلامالارىنىڭ ساپا دەڭگەيىن راستاۋ, پروفەسسور-وقىتۋشىلار قۇرامىنىڭ كاسىبيلىگىن باعالاۋ, ESG حالىقارالىق ستاندارتتارىنا ساي بولۋ جانە تۇلەكتەردىڭ ەڭبەك نارىعىنداعى باسەكەگە قابىلەتتىلىگىن راستاۋ.
