فوتو: اشىق دەرەككوز
دەپۋتات وڭىرلەردەگى جەرلەستەرمەن كەزدەسۋلەر كەزىندە وسى تابيعي ساياباققا بارعانىن جانە ولاردىڭ جاعدايى مەملەكەتتىك ورگانداردىڭ شۇعىل ارالاسۋىن تالاپ ەتەتىنىنە كوز جەتكىزگەنىن اتاپ ءوتتى.
«وكىنىشكە قاراي, مەملەكەت باسشىسىنىڭ ناقتى تاپسىرماسىنا قاراماستان, جاعداي وزگەرگەن جوق, كەڭەس ءداۋىرىنىڭ دەڭگەيىندە قالدى. مىسالى, 42 كوردونعا 1990 جىلدارى شىعارىلعان 7 ءورت ءسوندىرۋ تەحنيكاسى بار, نەبارى 3 كوردون عانا توزعان راديوبايلانىسپەن قامتاماسىز ەتىلگەن. قالعاندارىندا ول دا جوق. ال اۆتوموبيل پاركىندە «پاز» ۇلگىسىندەگى ءبىر ەسكى اۆتوبۋس, گاز-51 جۇك كولىگى جانە كەڭەس وكىمەتى كەزىندەگى ءورت ءسوندىرۋ ماشيناسى عانا بار», دەدى سەناتور.
سەرگەي ەرشوۆ سونىمەن قاتار ساپار قورىتىندىسى بويىنشا ەكولوگيا ءمينيسترىنىڭ اتىنا حات جىبەرگەنىن اتاپ ءوتتى. ۋاكىلەتتى ورگاننىڭ جاۋابىنا سۇيەنە وتىرىپ, بۇگىنگى كۇنى ولار تەك وسى ماسەلەلەردى شەشۋدىڭ «مۇمكىندىگىن قاراستىرۋدى» جوسپارلاعانىن كورۋگە بولادى.
سەناتور ساياباق قىزمەتكەرلەرىنىڭ جالاقىسى, ولاردىڭ الەۋمەتتىك جانە ماتەريالدىق ءال-اۋقاتى ماسەلەلەرىنە قاتىستى بىرقاتار ماسەلەگە نازار اۋداردى. اتالعان فاكتىلەرگە سۇيەنە وتىرىپ, سەناتور پروبلەمالاردى شەشۋ ءۇشىن بىرقاتار شارانى ۇسىندى.
«كوردونداردى تەحنيكامەن, بايلانىسپەن جانە ەلەكتر ەنەرگياسىمەن قامتاماسىز ەتۋ قاجەت. سونداي-اق ۇلتتىق پارك ينسپەكتورلارى مەن ولاردىڭ وتباسى مۇشەلەرى تۇراتىن جاڭا عيماراتتاردى سالۋ جانە قازىرگى عيماراتتاردى كۇردەلى جانە اعىمداعى جوندەۋدى جۇزەگە اسىرۋ قاجەت. ۇلتتىق پاركتىڭ تەحنيكالىق قىزمەتكەرلەرىنىڭ جالاقىسىن كوتەرۋ كەرەك, ول بۇگىنگى كۇنى 75 مىڭ تەڭگەنى قۇرايدى», دەدى ول.
