وسى جىلدىڭ 17 قازانىندا ەكىباستۇز قالاسىنداعى «قاينار» ءبىلىم بەرۋ-ساۋىقتىرۋ كەشەنىنىڭ ءماجىلىس زالىندا, 18 قازاندا پاۆلودار قالاسىندا «جاستار باستامالارىن دامىتۋ ورتالىعى» ءدىن ماسەلەرى بويىنشا بىلىكتى مامانداردى دايىنداۋعا باعىتتالعان ءىس-شارا ءوتتى. وعان ء«دىن زەرتتەۋ ورتالىعىنىڭ», «اقنيەت» قق جانە ت.ب ماماندارى, پسيحولوگتارى مەن تەولوگتارى قاتىستى. جيىندا ءدىن ماسەلەلەرى بويىنشا ءتۇسىندىرۋ توبىنىڭ مۇشەلەرى – ريتوريكا مامانى امانبەك تولقىن, مەدياتسيا مامانى ورازباەۆا شيرين يرانبەكوۆنا, نەيرولينگۆيستيكالىق باعدارلامالاۋ مامانى, پسيحولوگ سەيتقالي ميرزادا شاحمان ۇلى, ءدىنتانۋشى مىرزاەۆ بالعابەك ابدىقايىم ۇلى سەمينار وقىدى.
امانبەك تولقىن «ريتوريكا. كوپشىلىك الدىندا سويلەۋ داعدىلارىن مەڭگەرۋ» تاقىرىبىمەن قاتىسۋشىلارعا ادام بويىنداعى جاسقانشاقتىقتى جويۋ, داۋىستىڭ ىرعاعى, تەمبرى, ينتوناتسيانى دۇرىس قولدانۋ, ەكپىندى دۇرىس قويۋ, دۇرىس تىنىس الۋ ماڭىزدىلىعىن اتاپ ءوتتى. سونىمەن قاتار, «ديكتسيانى جاقسارتۋعا ارنالعان قۇرالدار» تاقىرىبىندا اياسىندا وراتورلىق شەبەرلىكتى دامىتۋعا باعىتتالعىن ارنايى جاتتىعۋلار مەن ادىستەردى كورسەتىپ, ترەنينگ وتكىزدى.
ورازباەۆا شيرين يرانبەكوۆنا «ۋپراۆلەنيە كونفليكتامي» تاقىرىبىندا كەزدەسىپ, مامانداردارعا دۇرىس سوزدىك قاتىناستىڭ داۋلى, جانجالدى ماسەلەلەردى شەشۋدىڭ, دوستىق قاتىناس پەن ىنتىماقتاستىق ورناتۋدىڭ ناتيجەلى قۇرالى ەكەنىن ءتۇسىندىردى. كەلەسى كەزەكتە, «ەففەكتيۆنىە پەرەگوۆورى» تاقىرىبىندا سەمينار وقىپ, كەلىسسوزدەرگە دايىندالۋ العىشارتتارىن, ەرەجەلەرىن, جۇرگىزۋ جۇيەسىن ايتىپ ءوتتى.
مىرزاەۆ بالعابەك ابدىقايىم ۇلى «قازاقستان رەسپۋبليكاسىنداعى راديكالدىق جانە ەكسترەميستىك باعىتتاعى ءدىني اعىمدار جانە ولاردىڭ بەلسەندىلىگى تۋرالى» تاقىرىبى اياسىندا تىڭداۋشىلارعا دەسترۋكتيۆتى ءدىني اعىمداردىڭ قوعامعا قاۋپى, نەكە جانە وتباسى ينستيتۋتىنا, ادام دەنساۋلىعىنا قاتەرى تۋرالى ايتىپ ءوتتى. سونداي-اق «زايىرلىلىق جانە ونىڭ ءدىني بىرلەستىكتەرمەن قارىم-قاتىناسىنىڭ نەگىزگى پرينتسيپتەرى» تاقىرىبىندا زايىرلىلىق, زايىرلى مەملەكەت: ۇعىمى, ءمانى, سيپاتى, زايىرلى ادەپ نەگىزدەرى تۋرالى ءسوز قوزعادى.
سەيتقالي ميرزادا شاحمان ۇلى «بولەزني ەگو ي پۋتي يح يزلەچەنيا» تاقىرىبىندا كەزدەسىپ, ماماندارداردى پسيحولوگيالىق دەنساۋلىقتى ۇستاپ, پسيحيكالىق ەتيكالىق پرينتسيپتەرگە سۇيەنە وتىرىپ جۇمىس جاساۋ ادىستەرىن ءتۇسىندىردى. كەلەسى كەزەكتە «ۆليانيە دەتسكيح تراۆم نا جيزنەدەياتەلنوست ليچنوستي» تاقىرىبىندا سەمينار وقىپ, تەرروريزم مەن ەكسترەميزمدى تۋعىزاتىن پسيحولوگيالىق اسپەكتەر, وعان ىلىنەتىن ادامداردىڭ سيپاتتاماسى, جانە پسيحولوگيالىق ءتۇپ-تامىرىن انىقتاۋ ادىستەرىن اتاپ ءوتتى. دارىسكەر قاتىسۋشىلارعا ادامدارمەن جۇمىس جاساۋ كەزىندە سترەسس مولشەرىن جەڭىلدەتۋگە باعىتتالعان ترەنينگ وتكىزدى.
سونىمەن قاتار سەمينارلار مەن ترەنينگتەر بارىسىندا قاتىسۋشىلار تاراپىنان دارىسكەرلەرگە سۇراقتار قويىلىپ, تۇجىرىمدى جاۋاپتار الىندى.
