– بيىل 52 675,1 ملن تەڭگەگە 17 جوبا جوسپارلانعان بولاتىن. جىل باسىنان بەرى 32 910,1 ملن تەڭگەنىڭ 10 جوباسى ىسكە اسىرىلدى, – دەدى ر.ساعاندىقوۆ.
سونىمەن قاتار وسى كۇنگە دەيىن ءداندى جانە ءداندى-بۇرشاقتى داقىلداردىڭ 86%-ى جينالدى, 334,05 مىڭ تونناسى باستىرىلدى. مايلى داقىلداردى جيناۋ جۇمىستارى باستالىپ, بۇگىنگى تاڭدا 54,74 مىڭ گەكتاردان 116,03 مىڭ توننا تۇقىم الىندى.
– ەگىن جيناۋ جۇمىستارىن دەر كەزىندە ءارى توقتاۋسىز جۇرگىزۋ ءۇشىن وبلىس شارۋالارىنا مەملەكەت تاراپىنان 8,5 مىڭ توننا جەڭىلدەتىلگەن ديزەل وتىنى ءبولىندى. بۇگىنگى تاڭدا بۇل كولەم تولىعىمەن يگەرىلدى. جۋىردا ەنەرگەتيكا جانە اۋىل شارۋاشىلىعى مينيسترلىكتەرىنە ەگىن جيناۋ جۇمىستارىن جالعاستىرۋ ءۇشىن تاعى 10 مىڭ توننا كولەمىندە جەڭىلدەتىلگەن ديزەل وتىنىنا قاجەتتىلىك جونىندە حاتتار جولداندى. ءداندى جانە مايلى داقىلداردى كەپتىرۋ ءۇشىن وبلىسقا 7 مىڭ توننا ديزەل وتىنى ءبولىندى, – دەپ اتاپ ءوتتى سپيكەر.
وبلىستا 18,8 مىڭ باسقا ارنالعان 34 بورداقىلاۋ الاڭى جۇمىس ىستەيدى. ونىڭ ىشىندە ونەركاسىپتىك ۇلگىدەگى 8 الاڭ – 1000 باستان, قالعان 26 الاڭنىڭ قۋاتتىلىعى – 90-نان 600 باسقا دەيىن. اعىمداعى جىلدىڭ 8 ايىنىڭ قورىتىندىسى بويىنشا جۇكتەمە 24%-دى قۇراپ وتىر.
– وڭىردە 37 تاۋارلى ءسۇت فەرماسى جانە 23 ءسۇت قابىلداۋ پۋنكتى جۇمىس ىستەيدى. جىل باسىنان بەرى تاۋارلى ءسۇت فەرمالارىندا 51 مىڭ توننا ءسۇت ءوندىرىلدى. تۇرعىنداردان 11,8 مىڭ توننا ءسۇت ساتىپ الىندى. ءسۇت وڭدەۋ كاسىپورىندارىنىڭ جۇكتەمەسى 42%-دى قۇرادى, – دەپ تولىقتىردى راميل ساعاندىقوۆ.
ءباسپاسوز ءماسليحاتىنىڭ سوڭىندا شقو اش باسقارماسى باسشىسىنىڭ م.ا. راميل ساعاندىقوۆ ينفلياتسيانى بولدىرماۋ جانە الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن تۇراقتاندىرۋ ماقساتىندا 2023-2024 جىلدارى «اينالىم سحەماسى» تەتىگى شەڭبەرىندە وبلىس بيۋدجەتىنەن 4,2 ملرد تەڭگە بولىنگەنىن ايتتى.
