ينفوگرافيكانى جاساعان – امانگەلدى قياس, «EQ»
قوسىمشا اكتسيالارىن ساتىلىمعا شىعاردى
سونىمەن وتكەن ايدىڭ سوڭىنا تامان ەلىمىزدىڭ قور نارىعىندا SPO فورماتى بويىنشا «KEGOC» اق اكتسياسىن ساتىلىمعا شىعارۋ جونىندە ۇسىنىس جاريالاندى. قايتالاما ۇسىنىستىڭ ءبىر بولىگى رەتىندە كومپانيا ينۆەستورلارعا 15 ميلليوننان استام اكتسياسىن (نەمەسە جالپى ساننىڭ 5%) ساتپاقشى. BCC Invest ينۆەستيتسيالىق بانكىنىڭ ساراپشىلارى باعالى قاعازداردىڭ ءوسىم الەۋەتىن قاراستىرىپ, SPO-عا قاتىسۋعا ءوز ۇسىنىستارىن بەرگەن ەدى. بۇرىندارى بيرجادان شىعىپ كەتكەن «KEGOC» اق – قازاقستاننىڭ بارلىق نەگىزگى ەلەكتر جەلىلەرىن يەلىك ەتىپ وتىرعان ۇلتتىق وپەراتور, قازىرگى تاڭدا قوسىمشا اكتسيالارىن قايتادان ساتىلىمعا شىعاردى.
كومپانيا العاش رەت IPO-عا (باستاپقى ورنالاستىرۋ) 2014 جىلى قاتىسقان بولاتىن. سودان بەرى اكتسيا باعاسى 3 ەسەگە ءوسىپ, وسى كەزەڭدە تولەنگەن ديۆيدەندتەردىڭ جالپى سوماسى 218 ملرد تەڭگەنى قۇراعان. نەگىزى اكتسيونەرى «سامۇرىق-قازىنا» اق بولىپ تابىلاتىن كومپانيانىڭ ۇسىنىپ وتىرعان SPO فورماتى مەملەكەتتىك اكتيۆتەردى جەكەشەلەندىرۋ مەن كومپانيانىڭ باعالى قاعازدارىن قور نارىعىنا شىعارۋعا ارەكەت ەتۋ. وسى ورايدا كاسىپورىننىڭ جەكەشەلەندىرۋ جونىندەگى باسقارۋشى ديرەكتورى سالتانات ءساتجان بىلاي دەيدى. «KEGOC» اق SPO – وسى باعىتتاعى باسىم قادامداردىڭ ءبىرى. ول كومپانيانىڭ قارجىلىق جاعدايىن نىعايتىپ, جاڭا ينۆەستيتسيالىق جوبالاردى جۇزەگە اسىرۋدا جانە اشىقتىقتى جاريالاۋعا مۇمكىندىك بەرەر ەدى. جينالعان قاراجات ەلىمىزدىڭ بىرىڭعاي ەلەكتر جۇيەسى وڭتۇستىك ايماعىنىڭ جەلىلەرىن قالىپتاستىرىپ, ءىرى ينۆەستيتسيالىق جوباعا جاتاتىن شۋ-جامبىل-شىمكەنت ەكى 500 كۆ جەلىسىنىڭ جانە ءۇش 500 كۆ قوسالقى ستانساسىنىڭ قۇرىلىسىن ىسكە اسىرۋعا باعىتتالاتىن بولادى», دەيدى.
SPO-عا قالاي قاتىسۋعا بولادى؟
«KEGOC» اق اكتسيالارىن ساتىپ الۋعا وتىنىمدەر 16 قازاندا باستالىپ, 2 قاراشاعا دەيىن جالعاسادى. اكتسيالاردى كەز كەلگەن ادام ساتىپ الا الادى. ول ءۇشىن BCC Trade ءموبيلدى قوسىمشاسىن (App Store جانە Google Play دۇكەندەرىندە قولجەتىمدى) جۇكتەپ الۋ, ونلاين بروكەرلىك شوت اشۋ, ونى قارجىلاندىرۋ جانە اكتسيالاردى ساتىپ الۋعا ءوتىنىم بەرۋگە بولادى.
«اتالعان قولدانبانى نەگىزگى ەكراندا SPO_KEGC تۇيمەسىن باسىپ, ساتىپ الۋعا بولاتىن باعالى قاعازداردىڭ سانىن كورسەتىپ بارىپ «SMS-كە قول قويۋ» تۇيمەسىن باسۋ ارقىلى جۇرگىزىلەدى. BCC Trade قولدانباسىن جۇكتەپ الماس بۇرىن, eGov ۇيالى تەلەفوندا بولۋى كەرەك. ول قوسىمشادا بروكەرلىك شوتتى اشۋ تۋرالى بۇيرىققا قول قويۋ ءۇشىن قاجەت بولادى. بانكتىڭ شوت اشىپ, ءوتىنىم بەرگەنى ءۇشىن كوميسسيا ۇستالمايدى. ينۆەستيتسيانىڭ ەڭ از مولشەرى كومپانيانىڭ ءبىر اكتسياسىنىڭ قۇنىنا تەڭ», دەپ تۇسىندىرەدى ماماندار.
اتالعان كومپانيانىڭ اكتسيالارىن ورنالاستىرۋ باعاسى SPO كەزىندە 1 482 تەڭگەنى قۇرايدى.ەگەر ينۆەستوردىڭ پورتفەلىندە 28 قىركۇيەككە دەيىن ساتىپ الىنعان «KEGOC» اق اكتسيالارى (17 اكتسيادان استام) بولسا, وندا ول ءبىرىنشى باس تارتۋ قۇقىعىن پايدالانا الادى. بۇل قۇقىقتى جۇزەگە اسىرۋ مەرزىمى 28 قىركۇيەك پەن 27 قازان ايلارىن قوسا العاندا 30 كۇنگە سوزىلادى. 2 قاراشادا تاپسىرىستار كىتاپشاسى جابىلىپ, 9 قاراشادا KASE جانە AIX بيرجالارىندا وتىنىمدەر بويىنشا ەسەپ ايىرىسۋلار وتەدى. AIX جونىندە قايتالاما ساۋدا 10 قاراشادا باستالادى.
بولجامدار مەن كەلەشەگى
BCC Invest ساراپشىلارى كومپانيانىڭ SPO-دان كەيىنگى دامۋ الەۋەتىن ايتارلىقتاي وڭ باعالاپ, اكتسيا باعاسىنىڭ +21,2%-عا (1 796 تەڭگەگە دەيىن) ءوسۋىن بولجايدى.
بۇل تۇجىرىمعا ينۆەستيتسيالىق تارتىمدىلىقتىڭ بىرنەشە نەگىزگى فاكتورلارى بار.
بىرىنشىدەن, «KEGOC» اق – قازاقستانداعى بارلىق ماگيسترالدىق جەلىگە يەلىك ەتەتىن مونوپوليست, ونسىز ەلىمىزدىڭ ەلەكتر ەنەرگەتيكاسى تولىق جۇمىس ىستەي المايدى.
ەكىنشىدەن, بۇل كومپانيانىڭ قۇنىنداعى جاڭا نورماتيۆتىك وزگەرىستەرگە بايلانىستى ءوسىمنىڭ ايتارلىقتاي الەۋەتى ەسكەرىلگەن.
بيىلعى شىلدەدەن باستاپ ەلەكتر ەنەرگياسىن ۇلتتىق ەلەكتر جەلىسى ارقىلى بەرۋ, ۇلتتىق ەلەكتر جەلىسىن پايدالانۋ, جەلىگە جەتكىزۋدى تەحنيكالىق ديسپەتچەرلەۋ, ەلەكتر ەنەرگياسىن تۇتىنۋ, ەلەكتر ەنەرگياسىن ءوندىرۋدى تەڭگەرىمدەۋدى ۇيىمداستىرۋ جانە ەلەكتر ەنەرگياسىن تۇتىنۋ جونىندەگى رەتتەلىپ كورسەتىلەتىن قىزمەتتەرگە جاڭا تاريفتەر مەن تاريفتىك سمەتالار بەلگىلەندى. سودان بەرى نارىققا بىرىڭعاي ەلەكتر ەنەرگياسىن ساتىپ الۋشى مەحانيزمى ەنگىزىلگەن ەدى.الداعى ۋاقىتتا ەنەرگەتيكا مينيسترلىگىنە قاراستى جاڭارتىلعان ەنەرگيا كوزدەرىن قولداۋدىڭ ەسەپ ايىرىسۋ-قارجى ورتالىعى جۇرگىزەتىن بولادى. بۇعان ساراپشىلار حالىق سانىنىڭ ارتۋىنا وراي, ەلەكتر ەنەرگياسى نارىعىنىڭ وسۋىنە, ەلەكتروموبيلدەردىڭ تانىمالدىلىعىنا جانە تۇرمىستىق ەلەكتر قۇرىلعىلارى سانىنىڭ كوبەيۋىمەن بايلانىستىرىپ, «KEGOC» اق اكتسيالارى باعاسىنىڭ ءوسىمىن بولجايدى.
اتالعان كاسىپورىن بيىلعى جىلدىڭ ءبىرىنشى جارتىجىلدىعىنداعى تازا پايداسى وتكەن جىلدىڭ سايكەس كەزەڭىمەن سالىستىرعاندا 9 ملرد تەڭگەگە نەمەسە 64%-عا ارتىپ, 23 ملرد تەڭگەنى قۇراعان.
بۇل ءوسىم وپەراتسيالىق پايدانىڭ جىلدىق 47% بولعانى, ەلدەگى ساتىپ الۋشىلار (+9%), رەسەي (+17%) مەن قىرعىز ساتىپ الۋشىلارىنان تۇسكەن تابىستىڭ ارتۋىمەن بايلانىستىرادى. ۇسىنىلعان قىزمەتتەردىڭ قۇنى ءىس جۇزىندە وزگەرىسسىز قالىپ, ناتيجەسىندە نەگىزگى قىزمەتتەن تۇسكەن كىرىس 114 ملرد تەڭگەنى قۇراعان. بۇل وتكەن جىلدىڭ سايكەس كەزەڭىمەن سالىستىرعاندا 11%-عا ۇلعايعان كورىنەدى.
كومپانيانىڭ ستراتەگيالىق ءوسۋ جاعدايىندا تۇراقتى ديۆيدەندتىك ساياساتى بار – ول 2014 جىلدان بەرى نارىقتا ساۋدا جاساپ, سودان بەرى جىلىنا ەكى رەت ديۆيدەندتەر تولەپ كەلەدى.
«باستاپقى ورنالاستىرۋدان بەرى اكتسيالار 300%-عا وسكەنىڭ, ءبىز KEGOC-ءتىڭ ودان ءارى ۇلعايۋ پەرسپەكتيۆالارىن كورىپ وتىرمىز. ۇلتتىق ەلەكتر جەلىسىن پايدالانۋ بويىنشا جاڭا قىزمەتتەردى ەنگىزۋ, نورماتيۆتىك-قۇقىقتىق وزگەرىستەر مەن ەلىمىزدىڭ بەج وڭتۇستىك ايماعىنىڭ جەلىلەرىن نىعايتۋعا باعىتتالعان ينۆەستيتسيالار كومپانيانىڭ وڭ قارجىلىق جانە وپەراتسيالىق كورسەتكىشتەرىنىڭ العىشارتتارى بولادى. ناتيجەسىندە, ءبىز ساتىپ الۋ ۇسىنىسىمەن اكتسيانىڭ ءوسۋ الەۋەتىن SPO باعاسىنان +21,2% دەڭگەيىندە باعالادىق», دەپ تۇسىندىرەدى BCC Invest ينۆەستيتسيالىق بانكىنىڭ ساراپشىلارى.
