فوتو: uganka.ru
ول اتىراۋ وبلىسىندا 150-دەن استام حيدجاب كيگەن وقۋشى قىزداردى مەكتەپكە كىرگىزبەي قويعان جاعدايلار بولعانىن راستادى. سونداي-اق مەكتەپ - ساپالى ءبىلىم مەن تاربيە الاتىن ورىن ەكەندىگى تۋرالى اتا-انالارمەن دە ءتۇسىندىرۋ جۇمىستارى جۇرگىزىلدى.
«سوندىقتان اتا-انالاردىڭ كوپشىلىگى ءتۇسىنىپ, قابىلداي باستادى. قازىرگى ۋاقىتتا مۇنداي سۇراقتار جوق. باسقا ايماقتار بويىنشا ورامال تاققان ستۋدەنتتەردىڭ سانى تۋرالى مەندە دەرەكتەر جوق. ماعان بەرىلگەن مالىمەت بويىنشا ونداي وقۋشىلار جوق», دەدى ول ۇكىمەت وتىرىسىنان كەيىن جۋرناليستەردىڭ ساۋالدارىنا جاۋاپ بەرىپ.
ونىڭ ايتۋىنشا, قازىر بۇل ماسەلە شەشىلگەن.
بۇعان دەيىن مينيستر تالاپتارعا سايكەس بارلىق بالالار وقۋ ورىندارىنا, ونىڭ ىشىندە جەكەمەنشىككە دە مەكتەپ فورماسىمەن بارۋى ءتيىس ەكەنىن ايتقان ەدى.
كەيىن مادەنيەت جانە اقپارات ءمينيسترى ايدا بالاەۆا Facebook جەلىسىندەگى جەكە پاراقشاسىندا قازاقستان مەكتەپتەرىندە حيدجاب كيۋ ماسەلەسى تۋرالى ايتقان ەدى.
