فوتو: ۇكىمەتتىڭ ءباسپاسوز قىزمەتى
قۇجاتتا «داۋرەن قازانتاەۆ عانيبەك ۇلى قازاقستان رەسپۋبليكاسى سۋ رەسۋرستارى جانە يرريگاتسيا مينيسترلىگىنىڭ اپپارات باسشىسى لاۋازىمىنا تاعايىندالدى», دەلىنگەن.
1984 جىلى قىزىلوردا قالاسىندا دۇنيەگە كەلگەن داۋرەن قازانتاەۆ 2005 جىلى ت.رىسقۇلوۆ اتىنداعى قازاق ەكونوميكالىق ۋنيۆەرسيتەتىن تامامداعان. پرەزيدەنتتىك جاستار كادر رەزەرۆىنىڭ مۇشەسى.
ەڭبەك جولىن 2005 جىلى جەكە قۇرىلىمداردا ينۆەستيتسيا جانە كورپوراتيۆتىك بيزنەس بويىنشا تالداۋشى بولىپ باستاپ, 2007-2010 جىلدارى – ەكونوميكا جانە بيۋدجەتتىك جوسپارلاۋ مينيسترلىگى قۇرىلىمىندا جەتەكشى ماماننىڭ مىندەتىن اتقارۋشى, ساراپشى قىزمەتتەرىن اتقاردى.
2010-2016 جىلدارى جامبىل جانە پاۆلودار وبلىستارى اكىمدىكتەرىنىڭ قۇرىلىمدارىندا قىزمەت ەتىپ, 2016-2020 جىلدارى – ەنەرگەتيكا ءمينيسترىنىڭ كەڭەسشىسى بولدى.
اتالعان لاۋازىمعا تاعايىندالعانعا دەيىن داۋرەن عانيبەك ۇلى استانا قالاسى تابيعاتتى قورعاۋ دەپارتامەنتىنىڭ باسشىسى قىزمەتىن 2020 جىلدان باستاپ اتقاردى.
