وبلىس اكىمدىگى اۋىل شارۋاشىلىعى باسقارماسىنىڭ باسشىسى نۇربي جىگىتەكوۆتىڭ ايتۋىنشا, وسى جىلى 351,2 مىڭ گەكتار جەردەن ءشوپ ورىلعان ەكەن. ناقتىراق ايتار بولساق, 186,4 مىڭ گەكتار القاپتان كوپجىلدىق, 26,7 مىڭ گەكتار جەردەن ءبىر جىلدىق ءشوپ, 141,1 مىڭ گەكتار تابيعي شابىندىق جانە 4,1 مىڭ گەكتار القاپتان سۇرلەمدىك جۇگەرى جينالعان. ءبىر سوزبەن ايتقاندا, شارۋالار وزدەرىنە قاجەتتى مال ازىعىن جينال العان.
«بۇگىنگى كۇنگە دەيىن بارلىعى 2,1 ملن توننا پىشەن, 87,2 مىڭ توننا پىشەندەمە ازىرلەندى. سونداي-اق 411,4 مىڭ توننا سابان, 75,5 مىڭ توننا سۇرلەم دايىندالعان. سابان مەن سۇرلەمدى جيناۋ جۇمىستارى ءالى دە جالعاسىپ جاتىر. وتكەن جىلى شارۋالار رەكوردتىق كورسەتكەشكە قول جەتكىزىپ, جەم مەن ءشوپتى مولىنان جيناعانىن دا ەستەن شىعارماعان ءجون.
بۇدان بولەك وڭىردە وتكەن جىلدان قالعان 250,7 مىڭ توننا مال ازىعى بار ەكەنىن ايتا كەتكەن ءلازىم. قازىرگى تاڭدا وبلىس بويىنشا ءشوپتىڭ باعاسى 700-1000 تەڭگە ارالىعىندا بولسا, جەمنىڭ تونناسى 11 مىڭ تەڭگەدەن وتكەرىلىپ جاتىر. قىسقاسى, جامبىلدىق شارۋالار قىس مەزگىلىندە مال ازىعىنان قيىندىق كورمەيدى», دەيدى وبلىس اكىمدىگى اۋىل شارۋاشىلىعى باسقارماسىنىڭ باسشىسى ن.جىگىتەكوۆ.
