ورتالىق كوممۋنيكاتسيالار قىزمەتىندە وتكەن بريفينگ بارىسىندا دەنساۋلىق ساقتاۋ ءمينيسترى اجار عينيات قازاقستاندا اي سايىن كوروناۆيرۋسقا گەنەتيكالىق زەرتتەۋلەر جۇرگىزىلەتىنىن حابارلادى.
«ەلگە جاڭا شتامنىڭ كىرگەن-كىرمەگەنىن ءبىلۋىمىز كەرەك. سوڭعى زەرتتەۋ دەرەكتەرى بويىنشا قازاقستاندا «ەريس» دەپ اتالاتىن «وميكروننىڭ» جاڭا شتامى انىقتالدى», دەدى اجار عينيات.
ءمينيستردىڭ ايتۋىنشا, قازىر الەمدە «وميكروننىڭ» جاڭا شتاممدارى تىركەلىپ جاتىر.
«قانداي شتامم بولسا دا, كوروناۆيرۋستىق ينفەكتسيانىڭ كلينيكالىق كورىنىسى بىرتە-بىرتە وزگەرىپ كەلەدى. سىرقاتتانۋ كەزەڭى قىسقاردى, ناۋقاستاردىڭ جاعدايى اۋرلىعى بويىنشا ورتاشا نەمەسە جەڭىل بولادى. قازىرگى ۋاقىتتا قازاقستاندا COVID-19-دان تەك 35 ادام ستاتسيونارلىق ەم قابىلداپ جاتىر. بۇل قاتار جۇرەتىن اۋرۋلارى كوپ قارت ادامدار», دەپ ءتۇسىندىردى اجار عينيات.
