سالتانات نۇراحانقىزى 1988 جىلى م.اۋەزوۆ اتىنداعى پەداگوگيكالىق ينستيتۋتتى قازاق ءتىلى مەن ادەبيەتى ءپانىنىڭ مۇعالىمى ماماندىعى بويىنشا تامامداعان. حالىقارالىق تاراز يننوۆاتسيالىق ينستيتۋتىنىڭ ماگيسترى.
ەڭبەك جولىن 1988 جىلى جامبىل وبلىسىنا قاراستى شۋ اۋدانىنداعى كيروۆ ورتا مەكتەبىندە باستاپ, ەكى جىلدان كەيىن قىزىلوردا وبلىسى شيەلى اۋدانىنداعى №159 ورتا مەكتەپتە ماماندىعى بويىنشا مۇعالىمدىك قىزمەتىن جالعاستىرادى. 1992-2006 جىلدارى تاراز قالاسىندا №12 ورتا مەكتەبىندە قازاق ءتىلى مەن ادەبيەتى پانىنەن مۇعالىم بولىپ قىزمەت ەتتى.
2006-2013 جىلدارى تارازداعى №47 ورتا مەكتەبىنىڭ عىلىمي-ەكسپەريمەنت جۇمىسى بويىنشا ورىنباسار, 2013-2019 جىلدارى ديرەكتوردىڭ وقۋ-ادىستەمەلىك ءىس بويىنشا ورىنباسارى قىزمەتىن اتقارعان. 2006 جىلدان باستاپ وسى كۇنگە دەيىن اتالعان مەكتەپتە قازاق ءتىلى مەن ادەبيەتى ءپانى مۇعالىمى قىزمەتىن اتقارىپ كەلەدى.
ايتا كەتەيىك, سالتانات نۇراحانقىزى 5-6 سىنىپ وقۋشىلارىنا ارنالعان «شەشەندىك سوزدەردى وقىتۋ» وقۋ قۇرالىنىڭ اۆتورى. ۇلاعاتتى ۇستازعا 2003 جىلى ءبىلىم جانە عىلىم مينيسترلىگىنىڭ «قۇرمەت» گراموتاسى تابىستالدى. 2019 جىلى «جىلدىڭ ءجۇز ۇزدىك قازاق ءتىلى ءپانى مۇعالىمى» رەسپۋبليكالىق بايقاۋىندا توسبەلگىمەن جانە ءى دارەجەلى ديپلوممەن ماراپاتتالدى. وسى جىلى «تۇركى الەمى: جازبا مۇرالارىنىڭ تاريحى, ينتەگراتسيا جانە دامۋ باعىتتارى» اتتى رەسپۋبليكالىق عىلىمي-تاجىريبەلىك كونفەرەنتسيا جيناعىنا «قازاق ءتىلىن وقىتۋداعى يننوۆاتسيالىق ءادىس-تاسىلدەر» تاقىرىبىندا ماقالاسى ەندى.
جالپى سالتانات الىپباەۆا اشىق ساباقتارى بويىنشا جانە وليمپيادالارعا جەڭىمپازدار دايىنداعانى ءۇشىن قالالىق, وبلىستىق, رەسپۋبليكالىق دارەجەدەگى ديپلومدارمەن, گراموتالارمەن, العىس حاتتارمەن ماراپاتتالعان. رەسپۋبليكالىق «قازاق ءتىلى» بليتس-تۋرنيرىندە ءى ورىن, ۇستازدارعا ارنالعان رەسپۋبليكالىق پاندىك وليمپيادادا ءىى دارەجەلى ديپلوم الدى. سونىمەن قوسا, س.نۇراحانقىزى حالىقارالىق عىلىمي-پراكتيكالىق كونفەرەنتسيالار مەن حالىقارالىق پەداگوگيكالىق وقۋلار بويىنشا جانە حالىقارالىق بايقاۋلارعا جەڭىمپازدار دايىنداعانى ءۇشىن ءتۇرلى دارەجەدەگى ماراپاتتاردىڭ يەگەرى.
«ۇستازى پەيىلدى بولسا, شاكىرتى زەيىندى كەلەدى, ۇستازى تالانتتى بولسا, شاكىرتى تالاپتى بولادى» دەگەن ماقال سوزدەرى 35 جىل ەڭبەك جولىندا كوپتەگەن وسكىندەردى تاربيەلەگەن سالتانات الىپباەۆاعا ايتىلعان انىقتاما ىسپەتتى. توپ جارعان شاكىرتتەرىنىڭ دە ماراپاتتارىن تىزبەلەمەي, كەيىنگى ەكى جىلداعى جەتىستىكتەرىن ايتساق, سونىڭ ءوزى از جەتىستىك ەمەس.
ۇلاعاتتى ۇستازدىڭ دارىندى شاكىرتتەرىنىڭ ءبىرى ەرزات باقوۆ « ۇلى دالا ۇرپاعى» رەسپۋبليكالىق بايقاۋىندا ەسسە نوميناتسياسى بويىنشا باس جۇلدەنى, ءۇىى رەسپۋبليكالىق «جارىق جۇلدىز» ونەر بايقاۋىندا ءى ورىندى جەڭىپ الدى, سونداي-اق, ە.باقوۆ ماعجان جۇماباەۆتىڭ 130 جىلدىعىنا ارنالعان وبلىستىق ەسسە بايقاۋىندا ءىى دارەجەلى ديپلوممەن, «دارا بالا, دانا بالا» رەسپۋبليكالىق بايقاۋىندا ەسسە نوميناتسياسى بويىنشا ءى دارەجەلى ديپلوممەن ماراپاتتالدى. تاعى ءبىر شاكىرتى ك.مۇستافاقىزى ءۇىى رەسپۋبليكالىق «جارىق جۇلدىز» ونەر بايقاۋىندا جانە «م.ماقاتاەۆ وقۋلارى» رەسپۋبليكالىق كونكۋرسىندا باس جۇلدەنى جەڭىپ الدى, سونداي-اق رەسپۋبليكالىق «اباي وقۋلارى» كونكۋرسىندا ءىى ورىندى يەلەندى. سونىمەن قوسا, اليما تاسىبەكوۆا رەسپۋبليكالىق « ۇلى دالا ۇرپاعى» ونەر بايقاۋىندا ەسسە نوميناتسياسى بويىنشا ءى ورىن جانە «سامعا قازاقستان» رەسپۋبليكالىق ونەر بايقاۋىندا كوركەم ءسوز وقۋ نوميناتسياسى بويىنشا ءى ورىندى يەلەندى. ال ايدا ايدىنقىزى «باۋىرجان وقۋلارى» قالالىق بايقاۋىندا ەسسە نوميناتسياسى بويىنشا ءى ورىندى, وبلىس كولەمىندە باس جۇلدەنى يەلەندى. سونداي-اق ا.ايدىنقىزى قالالىق ءپان وليمپياداسىندا قازاق ءتىلى مەن ادەبيەت ءپانى بويىنشا ءى دارەجەلى جانە وبلىس كولەمىندە ءىىى دارەجەلى ديپلوممەن ماراپاتتالدى. سونىمەن قاتار اياۋلىم قايراتبەكقىزى و.بوكەي شىعارماشىلىعى بويىنشا وبلىستىق ەسسە بايقاۋىندا ءىى دارەجەلى ديپلوممەن ماراپاتتالىپ, رەسپۋبليكالىق كونفەرەنتسيادا ءى ورىنعا لايىق دەپ تانىلدى. «جاس STAR» رەسپۋبليكالىق ونەر بايقاۋىندا كوركەمسوز نوميناتسياسى بويىنشا اياۋلىم دۇيسەنبەكقىزى ءى ورىندى يەلەنسە, ايانا جۇماباي «م.ماقاتاەۆ وقۋلارى» رەسپۋبليكالىق كونكۋرسىندا ءى ورىن الدى.
ۇرپاق كەلەشەگى قازىرگى ۇستازداردىڭ قولىندا. جاقسى ۇستازدان ءتالىم-تاربيە العان شاكىرت ءومىر مايدانىندا مويىماي, بولاشاق جولدارىندا باعىتىنان تايماسى ءسوزسىز. احمەت بايتۇرسىنوۆ «مۇعالىم – مەكتەپتىڭ جانى» دەگەندەي مەكتەپتىڭ باستى تۇلعاسى – جاقسى ۇستاز.
