سينوپتيكتەردىڭ بولجامىنشا, الداعى كۇندەرى اتموسفەرالىق فرونتالدى بولىكتەر ىقپالىنان رەسپۋبليكانىڭ باسىم بولىگىندە جاڭبىر جاۋىپ, جەل كۇشەيىپ, اۋا تەمپەراتۋراسى تومەندەيدى.
«1 قازاندا الماتى, شىعىس قازاقستان وبلىستارىنىڭ تاۋلى ايماقتارىندا جاۋىن-شاشىن بولادى, شىعىس قازاقستان وبلىسىندا جاڭبىر مەن كوكتايعاق تۇرىندەگى قاتتى جاۋىن-شاشىن بولادى. تەك رەسپۋبليكانىڭ باتىسىندا عانا اۋا رايى اشىق, جاۋىن-شاشىنسىز بولادى, سالىستىرمالى تۇردە قولايلى تەمپەراتۋرالىق فون ساقتالادى. ەلىمىزدىڭ باسىم بولىگىندە تۇندە جانە تاڭەرتەڭ تۇمان تۇسەدى», دەلىنگەن حابارلامادا.
اۋا تەمپەراتۋراسى رەسپۋبليكانىڭ سولتۇستىك جارتىسىندا تۇندە 0-8 گرادۋس جىلى, كۇندىز 10-23 گرادۋس جىلى, رەسپۋبليكانىڭ وڭتۇستىگى مەن وڭتۇستىك-شىعىسىندا 5-15 گرادۋس جىلى, كۇندىز 18-25 گرادۋس جىلى بولادى. تۇندە رەسپۋبليكانىڭ سولتۇستىك-باتىسىندا, سولتۇستىگىندە جانە ورتالىعىندا 3 گرادۋسقا دەيىن اياز بولۋى مۇمكىن.
