فوتو: 7-su.kz
بۇگىندە برازيليانىڭ قازاقستانمەن بايلانىستارى قارقىندى دامۋ ۇستىندە. ەكىجاقتى بايلانىستار تەك مينەرالدىق رەسۋرستاردى عانا ەمەس, سونداي-اق جول قۇرىلىس ماتەريالدارىنىڭ تاسىمالى, مۇناي مەن گاز وندىرىسىنە قاجەتتى حيميكاتتاردىڭ تاسىمالى, «NEحI» ساقتاندىرۋ ۇيىمىنىڭ قاتىسۋىمەن قارجىلاندىرۋ سياقتى جاڭا ءىس-شارالارمەن تولىعىپ كەلەدى. وسى رەتتە كەزدەسۋگە سەنات توراعاسىنىڭ ءىىى ورىنباسارى, پارلامەنتارلىق قازاقستان-برازيليا توبىنىڭ توراعاسى چيكو رودريگەس, سەناتور انجەلو مارتينز, ونىڭ زايىبى ەلەۋسا مارگاريدا مارتينز جانە سەنات كەڭسەسىنىڭ قىزمەتكەرى جوسە ريكاردو قاتىستى. قازاقستان تاراپىنان جەتىسۋ وبلىسى اكىمىنىڭ ورىنباسارى اسەت قاناعاتوۆ, كاسىپكەرلىك جانە يندۋستريالدى-يننوۆاتسيالىق دامۋ باسقارماسىنىڭ باسشىسى باقىتنۇر باقىت ۇلى, «Zhetysu Invest LTD» جشس ديرەكتورى انۋاربەك تىلەۋلەسوۆ جانە «Zhetysu Invest LTD» جشس عىلىمي-زەرتتەۋ جانە تالداۋ ءبولىمىنىڭ باس مامانى, اۋدارماشى ەلەنا گەيگەر بولدى.
رەسمي دەڭگەيدەگى ەكى مەملەكەتتىڭ قالىپتاسۋىنا ىقپال ەتكەن وقيعالاردىڭ ءبىرى – «قازاقستان رەسپۋبليكاسى مەن برازيليا اراسىنداعى دوستىق, ارىپتەستىك جانە ىنتىماقتاستىق تۋرالى بىرىككەن مالىمدەمە». وسى مالىمدەمەنىڭ ناتيجەسىندە مەملەكەتتەردىڭ قارىم-قاتىناسى ستراتەگيالىق ارىپتەستىك دەڭگەيگە كوتەرىلگەنى ءمالىم.
كەزدەسۋ بارىسىندا اسەت قاناعاتوۆ قازاقستان مەن برازيليا ەلدەرى اراسىنداعى ەكىجاقتى دوستىق قارىم-قاتىناستىڭ ناتيجەسىندە كوپتەگەن جوبا ىسكە اسىپ جاتقاندىعىن اتاپ ءوتتى. سونىمەن قاتار 2022 جىلى ەكى ەل اراسىنداعى تاۋار اينالىم ەكى ەسە ءوسىپ, 364,4 ميلليون دوللاردى قۇراعان.
«قىتاي مەن وڭتۇستىك-شىعىس ازيادان تمد ەلدەرىنە جانە ەۋروپاعا شىعاتىن ماڭىزدى باعىتتاردىڭ قيىلىسىندا گەوگرافيالىق جاعىنان ىڭعايلى ورنالاسقان «قورعاس – شىعىس قاقپاسى» ەركىن ەكونوميكالىق ايماعى قازىرگى تاڭدا ماڭىزدى ينۆەستيتسيانىڭ كوزىنە اينالۋدا. ونىڭ اۋماعىندا 2030 جىلدىڭ سوڭىنا دەيىن جالپى قۇنى 570 ميلليارد تەڭگەنى قۇرايتىن 30 جوبا جۇزەگە اسىرۋ جوسپارلانىپ وتىر. ناتيجەسىندە, قىتاي حالىق رەسپۋبليكاسىمەن بىرىگىپ 2 مىڭنان استام جۇمىس ورنى قۇرىلادى. شامامەن 330 ميلليارد تەڭگە ينۆەستيتسيا تارتا وتىرىپ, كولەمى 1 000 گەكتار بولاتىن «قازاقستان – قىتاي» حالىقارالىق يندۋستريالدى قالاسى» يندۋستريالدى تەحنوپاركىنىڭ قۇرىلىسى بويىنشا بىرلەسكەن جوبا بولماق. ەڭ باستىسى, ءاربىر ءىستىڭ ناتيجەسى حالىق ءۇشىن», دەپ اتاپ ءوتتى جيىندا وبلىس اكىمىنىڭ ورىنباسارى.
جالپى, وبلىستا اۋىل شارۋاشىلىعى, كولىك-لوگيستيكا, تۋريزم, بالامالى ەنەرگەتيكا جانە ونەركاسىپ سياقتى ستراتەگيالىق سالالارعا جاڭا ينۆەستورلاردى تارتۋ بويىنشا جۇيەلى جۇمىستار جۇرگىزىلىپ كەلەدى.
مارتەبەلى مەيمان چيكو رودريگەرس قازاق حالقىنىڭ قوناقجايلىلىعى مەن كەڭ پەيىلىنە العىس ايتا وتىرىپ, بولاشاقتا دا دوستىق قارىم-قاتىناستى ارتتىرىپ, ىنتىماقتاسىپ ءبىرشاما تىڭ ءارى جاڭا جوبالاردى ىسكە اسىراتىندىقتارىن جەتكىزدى.
«قوس ەلدىڭ دوستىق قارىم-قاتىناستا ەڭبەك ەتىپ كەلە جاتقانىنا بيىل – 30 جىل. بۇل از ۋاقىت ەمەس. بىراق ءبىزدىڭ دوستىق, تاتۋلىق, ىنتىماق بۇدان دا كوپ جىلعا ۇزارۋى كەرەك. ءبىزدىڭ ساپاردىڭ ماقساتى – ەكى ەلدى جاقىنداستىرا وتىرىپ, ەلگە قاجەتتى جاڭا جوبا دايىنداپ, ناتيجەلى جۇمىس ىستەۋ. مينەرالدى رەسۋرستار, جاڭارتىلعان ەنەرگيا كوزدەرى اياسىندا تىڭ جوبالار ازىرلەپ, سول بويىنشا ەل ەكونوميكاسىن كوتەرۋگە ءبىز بارىنشا اتسالىسامىز», دەدى چيكو رودريگەرس.
قوس تاراپ وكىلدەرى تىڭ ىستەردى ازىرلەۋگە ىنتىماقتاستىق مۇمكىندىكتەرىنىڭ مول ەكەنىن ايتىپ, بولاشاقتا ءتۇرلى جوبانى بىرلەسە اتقاراتىندىقتارىن جەتكىزدى.
جەتىسۋ وبلىسى
