«1 قازاندا جەكە تۇلعالاردىڭ 2022 جىلدىڭ م ۇلىك سالىعىن تولەۋ مەرزىمى اياقتالادى. وسىعان بايلانىستى وتكەن بريفينگىدە ەرلان باكىروۆ استانا بويىنشا 424 مىڭ جەكە تۇلعاعا 2022 جىلدىڭ م ۇلىك سالىعى ەسەپتەلگەنىن ايتتى. جالپى سوما – 3,7 ملرد تەڭگە. دەگەنمەن, بۇگىنگى تاڭدا 189 مىڭ ادام ءتيىستى سالىقتى تولەمەگەن. بۇل - جالپى سومانىڭ 1,3 ملرد تەڭگەسى دەگەن ءسوز», دەدى باسقارما باسشىسى.
دەپارتامەنت وكىلى سالىقتى كەشىكتىرگەن ازاماتتارعا قانداي شارا قولدانىلاتىنىن ءتۇسىندىردى.
«2 قازاننان باستاپ سالىق بورىشى بار ادامدارعا قالىپتاسقان سالىق قارىزى تۋرالى حابارلاما جولدانادى. بورىش سوماسى 1 ايلىق ەسەپتىك كورسەتكىشتەن اسسا (3450 تەڭگە – رەد.), حابارلاما تابىستالعان كۇننەن 30 جۇمىس كۇنى وتكەندە بورىشتى ماجبۇرلەپ ءوندىرىپ الۋ تۋرالى سالىق بۇيرىعى تولتىرىلادى», دەدى ەرلان باكىروۆ.
سونداي-اق ول كولىك سالىعىن تولەمەگەندەردى بەينەكامەرا ارقىلى انىقتاۋ ءجۇرىپ جاتقانىن ەسكەرتتى. ايتا كەتۋ كەرەك, جىلدىق كولىك سالىعى كەلەر جىلدىڭ ساۋىرىنە دەيىن تۇرعىلىقتى مەكەنجايى بويىنشا تولەنىپ وتىرۋى كەرەك.
«12 قىركۇيەكتەگى جاعداي بويىنشا كولىك قۇرالدارىنىڭ سالىعى بويىنشا قالىپتاسقان بورىشتىڭ جالپى سوماسى 2,1 ملرد تەڭگە بولعان. سالىق بورىشى بار ازاماتتار سانى – 27 مىڭ. جەكە تۇلعالاردان كولىك سالىعىن ءوندىرىپ الۋ ءۇشىن استانا قالاسى پوليتسيا دەپارتامەنتىنىڭ جەدەل باسقارۋ ورتالىعىنا «قورعاۋ» جانە «سەرگەك» جۇيەسىنە جالپى سالىق قارازى 2 ملرد تەڭگە بولاتىن 4248 كولىكتىڭ دەرەگى ەنگىزىلدى. ارنايى جۇرگىزىلگەن رەيد كەزىندە 103 ملن تەڭگەنىڭ سالىعى تولەنبەگەن 1010 كولىك انىقتالىپ, 99 ملن تەڭگەسى وندىرىلگەن. ال موينىندا 42 ملن تەڭگەنىڭ سالىق بورىشى بار 33 اۆتوكولىك ايىپ تۇراعىنا قويىلدى», دەدى باسقارما باسشىسى.
