فوتو: اشىق دەرەككوز
«ۇستالعان ازامات نومينالى 50 اقش دوللارى بولاتىن جالعان اقشا كۋپيۋرالارىن ساتۋمەن اينالىسقان. اگەنتتىك قىزمەتكەرلەرىنىڭ باقىلاۋىمەن جۇرگىزىلگەن ساتىپ الۋ بارىسىندا جاساندى اقشا ساتۋ فاكتىسى انىقتالىپ, جالپى سوماسى 3850 دوللار بولاتىن جالعان ۆاليۋتا تاركىلەندى», دەپ حابارلادى ۆەدومستۆو وكىلدەرى.
قازىر وسى فاكت بويىنشا سوتقا دەيىنگى تەرگەۋ ءجۇرىپ جاتىر. كۇدىكتىگە قاتىستى «قاماۋدا ۇستاۋ» تۇرىندەگى بۇلتارتپاۋ شاراسى سانكتسيالاندى. وزگە تۇلعالاردىڭ زاڭسىز ارەكەتكە قاتىستىلىعىن انىقتاۋ بويىنشا جەدەل-ىزدەستىرۋ ءىس-شارالارى ءجۇرىپ جاتىر.
«قر قپك-ءنىڭ 201-بابى تارتىبىندەگى وزگە دە اقپارات جاريا ەتۋگە جاتپايدى. قر كونستيتۋتسياسىنىڭ 77-بابىنىڭ 3-تارماعىنىڭ 1-تارماقشاسىنا جانە قر قىلمىستىق-پروتسەستىك كودەكسىنىڭ 19-بابىنىڭ 1-بولىگىنە سايكەس, قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن اركىم كىناسىز دەپ ەسەپتەلەدى», دەپ ءتۇسىندىردى اگەنتتىك.
