http://kazguu.kz/
سالتاناتتى شاراعا پرەزيدەنتتىڭ كەڭەسشىسى - ءباسپاسوز حاتشىسى بەرىك ءۋالي, قر پرەزيدەنتىنىڭ تەلەراديوكەشەنى باس ديرەكتورى راۋشان قاجىباەۆا, اقش-تىڭ قازاقستانداعى توتەنشە جانە وكىلەتتى ەلشىسى دەنيەل روزەنبليۋم, سونداي-اق بىرنەشە مەملەكەتتەردىڭ ەلشىلەرى مەن وكىلدەرى قاتىستى.
حالىقارالىق جۋرناليستيكا مەكتەبى جوباسى - قازاقستاندىق باق ءۇشىن شىعارماشىلىق جانە تەحنيكالىق مامانداردى دايارلاۋ ماقساتىندا قر پرەزيدەنتى ترك-مەن بىرگە جۇزەگە اسىرىلدى.
حالىقارالىق مەكتەپتىڭ العاشقى وقۋ جىلىنا 201 ستۋدەنت قابىلدانىپ, ونىڭ 20-سى پرەزيدەنت ترك مەن «Dara» پرەزيدەنتتىك باستامالار قورىنىڭ گرانتىنا يە بولدى.
«قازىرگى اشىلىپ وتىرعان حالىقارالىق جۋرناليستيكا مەكتەبى – ستۋدەنتتەرگە وسى سالادا ۇلكەن مۇمكىندىكتەر اشاتىنىنا سەنىمدىمىن. ويتكەنى 70 پايىزى اعىلشىن, 30 پايىزى قازاق جانە ورىس تىلدەرىندە وقىتىلادى ەكەن. جالپى بۇل حالىقارالىق دەڭگەيدە ءبىلىم الىپ, كوكجيەك كەڭەيتەتىن مىقتى جوبا. وسىنداي اۋقىمداعى, جۋرناليستيكا باعىتىنداعى فاكۋلتەت قازاقستاندا تۇڭعىش رەت اشىلىپ جاتىر. وسى جەردەن شىققان ماماندار كەيىنگى بۋىنعا ۇلكەن ءبىر مەكتەپ قالىپتاستىراتىنىنا سەنىمدىمىن», دەدى قر پرەزيدەنتىنىڭ كەڭەسشىسى - ءباسپاسوز حاتشىسى بەرىك ءۋالي.
وقىتۋ جەكە پاندەر بويىنشا قازاق جانە ورىس تىلدەرىنىڭ ەلەمەنتتەرىمەن اعىلشىن تىلىندە وتەدى. بولاشاق جۋرناليستەرگە ارنالعان وقۋ باعدارلاماسى Columbia University, Berkeley University, Princeton University, City University of London ۋنيۆەرسيتەتتەرىندە قولدانىلاتىن ۇزدىك الەمدىك تاجىريبە نەگىزىندە ازىرلەنگەن. جاڭا مەكتەپتىڭ ءبىلىم بەرۋ باعدارلاماسىندا باق-تاعى سوڭعى تەندەنتسيالارىنا ساي جۋرناليستيكانىڭ زاماناۋي ءادىس-تاسىلدەرىن مەڭگەرۋگە ەرەكشە ءمان بەرىلگەن.
ستۋدەنتتەرگە تاجىريبە الۋ مۇمكىندىگىن پرەزيدەنت ترك-نە قاراستى «Jibek Joly» تەلەارناسى, «قازاقپارات» اقپاراتتىق اگەنتتىگى جانە «دەرەكتى فيلمدەر ورتالىعى» ۇسىنىپ وتىر.
«بۇكىل الەم باستان كەشىپ جاتقان قارقىندى وزگەرىستەر كاسىبي جۋرناليستيكاعا ۋاقىت وتكەن سايىن قاتاڭ تالاپتار قويۋدا. سىزدەر ۇلكەن كولەمدەگى اقپاراتتى وڭدەپ, تالداپ, تەكسەرىپ, سىني تۇرعىدان تۇسىنە بىلۋلەرىڭىز كەرەك. سونىمەن قاتار قازىرگى زامانعى باق مۋلتيمەديالىق سيپاتقا يە بولدى. ءبىز جاڭا بۋىن جۋرناليستەرىنە, بولاشاق ارىپتەستەرىمىزگە وزەكتى ءبىلىم مەن داعدىلاردى ءارتۇرلى فورماتتا جۇمىس ىستەۋگە مۇمكىندىك بەرۋىمىز كەرەك», دەدى قر پرەزيدەنتى ترك-ءنىڭ باس ديرەكتورى راۋشان قاجىباەۆا.
سونىمەن قاتار ستۋدەنتتەرگە Columbia University, University of Cambridge, New York Film Academy, Mississippi Valley State University جانە Michigan State University USA تۇلەكتەرى ءدارىس وقيدى.
«ەڭ الدىمەن, ۋنيۆەرسيتەتىمىزگە سەنىم ارتىپ, قولداۋ كورسەتكەن ەل پرەزيدەنتى قاسىم-جومارت كەمەل ۇلى توقاەۆقا ۇلكەن العىسىمدى بىلدىرەمىن. ءبىز حالىق پەن قوعام الدىنداعى تەرەڭ جاۋاپكەرشىلىكتى تۇسىنەمىز. سوندىقتان دا وسى جۋرناليستيكا سالاسىنداعى كاسىبي مامانداردى دايارلاۋ ءۇشىن بار كۇش-جىگەرىمىزدى سالاتىن بولامىز», دەدى Maqsut Narikbayev University باسقارما توراعاسى تالعات نارىكباەۆ.
قر پرەزيدەنتىنىڭ تەلەراديوكەشەنى مەن Maqsut Narikbayev University-ءدىڭ بىرلەسىپ جاساعان حالىقارالىق جۋرناليستيكا مەكتەبى - دارىندى جاستاردى قولداۋ مەن كاسىبيلىكتى شىڭداۋعا ارنالعان, وعان قوسا قوعام مەن مەملەكەتتىڭ زاماناۋي كوممۋنيكاتيۆتى قاجەتتىلىكتەرىنە جاۋاپ بەرەتىن جۋرناليستىك كورپۋستى قالىپتاستىرۋعا ارنالعان تۇڭعىش جوبا.
