فوتو: اشىق دەرەككوز
قارجى مونيتورينگ اگەنتتىگىنىڭ مالىمەتىنشە, كۇدىكتى ءوزىنىڭ لاۋازىمدىق جاعدايىن پايدالانا وتىرىپ, قالا اۋماعىنداعى كوپقاباتتى ۇيلەردىڭ 150 اۋلاسىن اباتتاندىرۋ بويىنشا سمەتالىق قۇجاتتامادا جۇمىستار مەن ماتەريالداردىڭ باعاسىن نەگىزسىز قىمباتتاتقان.
ول 700 ملن تەڭگەدەن استام سوماعا اسا ءىرى مولشەردە بيۋدجەت قاراجاتىن جىمقىردى دەگەن كۇدىككە ءىلىندى. سوت سانكتسياسىمەن اتالعان ازامات ۇستالىپ, قاماۋعا الىندى. سوتقا دەيىنگى تەرگەۋ ءجۇرىپ جاتىر.
قر قپك-ءنىڭ 201-بابىنا سايكەس وزگە اقپارات جاريا ەتىلمەيدى.
«قر كونستيتۋتسياسىنىڭ 77-بابىنىڭ 3-تارماعىنىڭ 1-تارماقشاسىنا جانە قر قىلمىستىق-پروتسەستىك كودەكسىنىڭ 19-بابىنىڭ 1-بولىگىنە سايكەس, قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن اركىم كىناسىز دەپ ەسەپتەلەدى», دەپ ءتۇسىندىردى قما.
