فوتو: web.telegram.org
«پرەزيدەنت قاسىم-جومارت توقاەۆ الداعى ونجىلدىق ورتالىق ازيا ءوڭىرى ءۇشىن ماڭىزدى كەزەڭگە اينالادى دەپ سانايدى. بۇل رەتتە بىزگە ءوز ەكونوميكالىق مۇمكىندىكتەرىمىزدى, ورتاق الەۋەتىمىزدى بارىنشا پايدالانۋ وتە ماڭىزدى», دەدى ءماجىلىس توراعاسى ەرلان قوشانوۆ.
كەزدەسۋ بارىسىندا ورتالىق ازيا ەلدەرى مەن كورەيا اراسىنداعى وڭىرلىك ىنتىماقتاستىقتىڭ باسىمدىقتارىنا باسا ءمانى بەرىلدى. ءماجىلىس سپيكەرى وڭىردەگى قاۋىپسىزدىكتى قامتاماسىز ەتۋ باستى ماسەلەنىڭ ءبىرى ەكەنىنە نازار اۋدارىپ, قازاقستان پارلامەنتشىلەرى ايماقتاعى تۇراقتىلىقتى ساقتاۋعا بار كۇش-جىگەرىن سالىپ جاتقانىن ايتتى.
ەرلان قوشانوۆ قازىرگى ۋاقىتتا ورتالىق ازيا وڭىرىندە ەكونوميكا, ساياسات جانە مادەني بايلانىستار قارقىندى دامىپ جاتقانىنا نازار اۋداردى. مۇنىڭ ءبارى كورەيا رەسپۋبليكاسىمەن وڭىرلىك ىقپالداستىقتى ارتتىرۋ ءۇشىن جاڭا مۇمكىندىكتەرگە جول اشادى.
كەڭەس سوڭىندا قازاقستان, كورەيا, قىرعىزستان, تاجىكستان, تۇرىكمەنستان جانە وزبەكستان پارلامەنت سپيكەرلەرى ورتالىق ازيا ەلدەرى مەن كورەيا رەسپۋبليكاسى اراسىنداعى بايلانىستى نىعايتۋ ماقساتىندا «بولاشاققا باعدارلانعان ءوزارا ءتيىمدى قاتىناستاردى دامىتۋ» تاقىرىبىنداعى بىرلەسكەن دەكلاراتسيانى قابىلدادى.
