وڭىرلىك تابيعي رەسۋرستار جانە تابيعاتتى پايدالانۋدى رەتتەۋ باسقارما باسشىسىنىڭ ورىنباسارى بولىسبەك شارىپبەكوۆتىڭ ايتۋىنشا, ءوڭىردىڭ بارلىق اۋدانىندا وتكەن سەنبىلىكتە ءار مەكەمە وزىنە جۇكتەلگەن ايماقتا تازالىق جۇمىستارىن جۇرگىزسە, مەملەكەتتىك قىزمەتشىلەر مەن دەربەس بولىمدەر «تۇركىستان-كەنتاۋ» تاس جولى بويىن ارام شوپتەردەن تازارتتى.
سونداي-اق دۇنيەجۇزىلىك تازالىق كۇنىنە وراي وبلىستا «World Cleanup Day 2023» جىل سايىنعى ەكولوگيالىق اكتسيا ۇيىمداستىرىلدى. قورشاعان ورتانى تازالاي وتىرىپ, تابيعاتقا جاناشىرلىق تانىتۋ جانە ءار ادام بويىنداعى ەكولوگيالىق جاۋاپكەرشىلىكتى قالىپتاستىرۋدى ماقسات تۇتقان سەنبىلىككە وبلىس اۋماعىنداعى بارلىق اۋماقتىق دەپارتامەنتتەر مەن باسقارمالار, اۋدان, قالا اكىمدىكتەرى, بيۋدجەتتىك مەكەمەلەر مەن تۇرعىندار, جالپى 13 مىڭعا جۋىق ادام اتسالىستى. ال جەتىساي اۋدانىندا جۇرگىزىلگەن تازالىق جۇمىستارىنا 5 مىڭعا جۋىق حالىق قاتىسقان. ءاربىر مەكەمە مەن بولىمدەرگە ارنايى بەكىتىلگەن ۋچاسكەلەردە بەي-بەرەكەت جاتقان قوقىس ورىندارى, «جەتىساي-اتاكەنت» تاس جولى بويىندا ورنالاسقان «دوستىق» ماگيسترالدى كانالىنىڭ ك-26 ارناسىنىڭ ماڭى, اۋداننىڭ كىرەبەرىسى قاتتى تۇرمىستىق قالدىقتاردان تازارتىلدى.
«كەز كەلگەن اۋدان, قالانىڭ تازالىق كورسەتكiشi جەرگىلىكتى حالىقتىڭ مادەني دەڭگەيiن كورسەتەدى. تۇرعىنداردىڭ جاقسى تۇرمىسى ءۇشىن بىرقاتار يگى ءىس اتقارىلىپ كەلەدى. كوشەلەر كەڭەيتىلىپ, تۇنگى جارىقشامدار ورناتىلىپ جاتىر. ارىقتار تازالانىپ, كوشەت ەگۋ جۇمىستارى دا كەزەڭ-كەزەڭىمەن جۇرگىزىلىپ جاتىر. باردى قادىرلەي وتىرىپ, تۋعان ەلىنە قۇرمەتپەن قاراپ, ەل-جۇرتىن جاقسى كورەتىن ازاماتتاردى اۋداندى كوركەيتۋگە, اباتتاندىرۋعا, ەلىمىزدەگى ەڭ تازا ايماقتاردىڭ ءبىرى بولۋىنا بەلسەنە اتسالىسۋعا جۇمىلدىرۋ دا ۇلكەن ماڭىزعا يە», دەيدى جەتىساي اۋدانى اكىمى اپپاراتىنىڭ باسشىسى ەسەن الدانيازوۆ.
بۇگىندە اۋدانداردا تازالىق جۇمىستارىن بىرقالىپقا كەلتىرۋ ماقساتىندا كوشە تۇرعىندارى مەن شاعىن اۋدان بيلەرىنىڭ, جەرگىلىكتى ۋچاسكەلىك پوليتسيا قىزمەتكەرلەرىنىڭ قاتىسۋىمەن ءتۇسىندىرۋ جۇمىستارى ۇدايى جۇرگىزىلىپ كەلەدى.
تۇركىستان وبلىسى
