فوتو: اقوردا
كەزدەسۋ بارىسىندا قارجى سەكتورىن, IT سالاسىن دامىتۋ, سونداي-اق شاعىن جانە ورتا بيزنەستىڭ تسيفرلىق قۇزىرەتىن ارتتىرۋ باعىتتارىنداعى ىنتىماقتاستىق پەرسپەكتيۆالارى تالقىلاندى.
پرەزيدەنت Mastercard كومپانياسىنىڭ تمد-داعى, ورتالىق جانە شىعىس ەۋروپاداعى كونسالتينگتىك باعىتتى دامىتۋ ءۇشىن الماتى قالاسىن وڭىرلىك حاب رەتىندە تاڭداۋ شەشىمىن قولدادى. يننوۆاتسيالىق تولەم تەحنولوگياسى سالاسىنداعى جاھاندىق كوشباسشىلاردىڭ ءبىرى سانالاتىن كومپانيا بۇكىل ورتالىق ازيا ايماعى ءۇشىن بانك سەكتورىنداعى بيزنەس پەن ادامي كاپيتالدى دامىتۋدى جوسپارلاپ وتىر.
نيكولا ۆيللا قازاقستاننىڭ GovTech-شەشىمدەرىن شەتەلدە, اسىرەسە دامۋشى جانە قالىپتاسۋشى نارىقتاردا ىلگەرىلەتۋ جوسپارى تۋرالى باياندادى. ونىڭ ايتۋىنشا, قازاقستاننىڭ تسيفرلاندىرۋ, ەلەكتروندى ۇكىمەتتى جانە قولما-قول تولەمسىز ەكونوميكانى دامىتۋ تاجىريبەسىنە Mastercard فيليالدارى جۇمىس ىستەيتىن باسقا ەلدەر ەرەكشە قىزىعۋشىلىق تانىتىپ وتىر.
پرەزيدەنتكە Mastercard كومپانياسىنىڭ ينكليۋزيۆتى ءوسىم قورى قازاقستاندا Strive باعدارلاماسىن ىسكە قوساتىنى جونىندە مالىمەت بەرىلدى. اتالعان باعدارلاما ەلىمىزدە بيزنەستى تسيفرلاندىرۋعا, 300 مىڭنان استام شاعىن جانە ورتا بيزنەستىڭ بىلىكتىلىگىن ارتتىرۋعا كومەك كورسەتەدى.
