فوتو: web.telegram.org
الماتى وبلىسى پوليتسيا دەپارتامەنتىنىڭ باستىعى باۋىرجان الەنوۆ جەدەل-ىزدەستىرۋ شاراسى كەزىندە 1982 جىلى تۋعان الماتى قالاسى, زەردەلى ىقشام اۋدانىندا تۇراتىن كۇدىكتى ۇستالىپ, ۋاقىتشا ۇستاۋ يزولياتورىنا قامالعانىن ايتتى.
«اتالعان دەرەك اۋداندىق پوليتسيادا قر قك-ءنىڭ 99-بابى 2-بولىگىنىڭ 1-تارماعى (ەكى نەمەسە ودان دا كوپ ادامدى ءولتىرۋ) جانە 99-بابى 3-بولىگى (جاس بالانى ءولتىرۋ) بويىنشا تىركەلدى. قازىرگى ۋاقىتتا تۇپكىلىكتى ءىس جۇرگىزۋ شەشىمىن قابىلداۋ ءۇشىن بارلىق قاجەتتى ساراپتامالاردى تاعايىنداۋمەن تەرگەۋ ءىس-شارالارى جۇرگىزىلىپ جاتىر. كۇدىكتى قىلمىستى جاسىرۋ ماقساتىندا ءۇيدى ورتەپ جىبەرگەن». دەدى ب.الەنوۆ.
14 قىركۇيەكتە الماتى وبلىسى, ىلە اۋدانى, اششىبۇلاق اۋىلىنداعى ورتەنگەن ۇيدەن ايەل مەن كامەلەت جاسىنا تولماعان ەكى بالانىڭ مۇردەسى تابىلعان بولاتىن.
