«جاھاندىق كليماتتىق وزگەرىستەر, سۋ تاپشىلىعى كەزەڭىنىڭ باستالۋى جانە سۋارمالى ەگىستىككە سۋدىڭ جەتىسپەۋشىلىگى ورتالىق ازيانىڭ قاۋىپسىزدىگىنە قاتەر توندىرەدى. حالىقارالىق ساراپشىلاردىڭ مالىمەتىنە سايكەس ءبىزدىڭ ايماقتاعى تەمپەراتۋرا جەر شارىنداعى ورتاشا كورسەتكىشپەن سالىستىرعاندا, الدەقايدا تەز كوتەرىلىپ كەلەدى. بۇل ارال تەڭىزى باسسەينىنىڭ نەگىزگى سۋ كوزى سانالاتىن مۇزدىقتار كولەمىنىڭ كىشىرەيۋىنە اكەپ سوقتىرادى. ولاردىڭ كولەمى سوڭعى 50 جىلدا 30 پايىزعا كىشىرەيگەن», دەدى پرەزيدەنت.
ساراپشىلاردىڭ باعالاۋى بويىنشا 2050 جىلعا قاراي ورتالىق ازياداعى قۋاڭشىلىق جىلىنا ءىجو-ءنىڭ 1,3 پايىز مولشەرىندە زيان كەلتىرۋى مۇمكىن. بۇل 5 ميلليونعا جۋىق ىشكى «كليماتتىق» ميگرانتتىڭ پايدا بولۋىنا تۇرتكى بولادى.
