بۇعان دەيىن 2021 جىلى قالا بانكتەرىنىڭ ءبىرىنىڭ قىزمەتكەرلەرى الدىن الا ءسوز بايلاسۋ ارقىلى بانك كليەنتتەرىنە جالپى سوماسى 4 000 ەۋرو جالعان اقشا ساتقان.
اتالعان فاكت بويىنشا تەرگەۋ جۇرگىزىلدى, ونىڭ ناتيجەسى بويىنشا بانكتىڭ 5 قىزمەتكەرى كىنالى دەپ تانىلىپ, 5 جىلعا باس بوستاندىعىنان ايىرىلعان ەدى.
بانك قىزمەتكەرلەرىنە جالعان كۋپيۋرا بەرگەن ازاماتقا حالىقارالىق ىزدەۋ جاريالانىپ, ناۋرىز ايىندا ول شۆەتسيادا ۇستالىپ, قازاقستانعا ەكستراديتسيالانعان.
ماۋسىم ايىندا كۇدىكتى مەن ونىڭ جۇبايىنا قاتىستى ءىس سوتقا جىبەرىلدى.
سوت ۇكىمىمەن اتالعان ادامدار كىنالى دەپ تانىلىپ, 5 جىلعا باس بوستاندىعىنان ايىرىلدى.
قارجىلىق مونيتورينگ اگەنتتىگى ازاماتتاردى ساقتىق تانىتۋعا جانە قولما-قول اقشانى مۇقيات قايتا ساناپ الۋعا شاقىرادى.
جالعان اقشا تاۋىپ الساڭىز, ەڭ باستىسى, ونى ساتۋعا تىرىسپاڭىز.
قر قك 231-بابىنا سايكەس ءوز قاراجاتىن قايتارىپ الۋعا دەگەن ۇمتىلىس قىلمىستىق جاۋاپكەرشىلىككە اكەلۋى مۇمكىن.
جالعان كۋپيۋرا تاپساڭىز, دەرەۋ تۇردە تۇرعىلىقتى جەرىڭىز بويىنشا ەكونوميكالىق تەرگەپ-تەكسەرۋ دەپارتامەنتىنە نەمەسە قر قما call-ورتالىعىنا حابارلاسىڭىز.
