فوتو: Zakon.kz
قارابۇلاق اۋىلىنداعى ءبىلىم ورداسىنا جارىلعىش زات تۋرالى جاسىرىن حابارلاما كەلىپ تۇسكەن. ايتا كەتسەك, مەكتەپ عيماراتى تۇرعىن ۇيلەرگە جانە ەسكەلدى اۋدانى اكىمدىگىنە جاقىن ورنالاسقان.
«ساعات 11:14-تە قارابۇلاق اۋىلىنداعى ن.الدابەرگەنوۆ اتىنداعى مەكتەپتىڭ مۇعالىمدەرىنە «مەكتەپكە جارىلعىش زات قويىلعانى» تۋرالى حابارلاما ءتۇستى. بارلىق وقۋشى, مۇعالىمدەر مەن تەحنيكالىق قىزمەتكەرلەر ءبىلىم ورداسىنان قاۋىپسىز قاشىققا كوشىرىلدى. مەكتەپ اۋماعى قورشاۋعا الىندى», دەپ مالىمدەدى جەتىسۋ وبلىسى اكىمدىگىنىڭ ءباسپاسوز قىزمەتى.
اتالعان مەكتەپتىڭ ماڭايىندا پوليتسيا دەپارتامەنتىنىڭ ساپەرلەر جاساعى, توتەنشە جاعدايلار دەپارتامەنتى, ۇلتتىق قاۋىپسىزدىك دەپارتامەنتىنىڭ قىزمەتكەرلەرى, ۋچاسكەلىك پوليتسەيلەر, دارىگەرلەر جۇمىس ىستەپ جاتىر.
