ورالدا ەسىرتكى ساتقان وقۋشى ۇستالدى

ەلىمىزدە 1 ماۋسىم مەن 30 قازان ارالىعىندا «قاراسورا - 2023» جەدەل-پروفيلاكتيكالىق ءىس-شاراسى جۇرگىزىلىپ كەلەدى.    

«كەشەندى جوسپار اياسىندا ەسىرتكى قىلمىسىنا قارسى كۇرەس جانە قۇقىق بۇزۋشىلىقتىڭ الدىن الۋ بويىنشا جۇمىستار كۇشەيتىلدى. رەسپۋبليكا اۋماعىندا ەسىرتكى داقىلدارىن وسىرەتىن جەرلەردى جانە ولارمەن اينالىساتىن تۇلعالاردى انىقتاۋعا باعىتتالادى. جەدەل-پروفيلاكتيكالىق ءىس-شاراسىن وتكىزۋ بارىسىندا پوليتسيا دەپارتامەنتىنىڭ قىزمەتكەرلەرى 94 ەسىرتكى قىلمىسىنا قاتىستى قۇقىق بۇزۋشىلىق فاكتىلەرىن انىقتادى, ونىڭ ىشىندە 44 قىلمىس جانە 55 قىلمىستىق ارەكەت انىقتالدى», دەلىنگەن اقپاراتتا.

باتىس قازاقستان وبلىسىنىڭ پوليتسيا دەپارتامەنتى ەسىرتكى قىلمىسىنا قارسى ءىس-قيمىل باسقارماسى مەن ورال قالاسىنىڭ پوليتسيا باسقارماسىنىڭ قىزمەتكەرلەرى بىرلەسىپ جۇرگىزگەن جەدەل-پروفيلاكتيكالىق شارا بارىسىندا 11-سىنىپ وقۋشىسى ۇستالدى.

«ول قىلمىس ۇستىندە ۇستالدى, ونى جەكە ءتىنتۋ كەزىندە ىشىندە ەرەكشە ءيىسى بار ۇنتاق زات سالىنعان جاسىل ءتۇستى يزولەنتامەن ورالعان 2 قاپتاما تابىلىپ, تاركىلەندى. ونىڭ تەلەفونىن تەكسەرۋ كەزىندە جاسىرۋ ورىندارىنىڭ كوورديناتتارى انىقتالدى, ونىڭ كومەگىمەن ىشىندە ارنايى ءيىسى بار ۇنتاق سالىنعان جاسىل ءتۇستى يزولەنتامەن ورالعان 23 قاپتاما تاركىلەندى. ساراپتاما بويىنشا تاركىلەنگەن زاتتىڭ سالماعى 20,18 گرامم بولاتىن سينتەتيكالىق ەسىرتكى زاتى ەكەنى انىقتالدى. ۇستالعان ازاماتقا قاتىستى قر قك-ءنىڭ 297-بابى 3-تارماعى 3-بولىگى (ەسىرتكى, پسيحوتروپتىق زاتتاردى, سول تەكتەستەردى وتكىزۋ ماقساتىندا زاڭسىز دايىنداۋ, قايتا وڭدەۋ, يەمدەنۋ, ساقتاۋ, تاسىمالداۋ, جونەلتۋ نە وتكىزۋ) بويىنشا سوتقا دەيىنگى تەرگەپ-تەكسەرۋ امالدارى باستالدى», دەپ حابارلادى ۆەدومستۆونىڭ ءباسپاسوز قىزمەتى.