فوتو: Akorda.kz
مەملەكەت باسشىسى ءداستۇرلى قوناقجايلىق كورسەتكەنى جانە تاجىك جەرىندە زور قۇرمەتپەن قارسى العانى ءۇشىن ەمومالي راحمونعا العىس ايتتى.
قازاقستان مەن تاجىكستان پرەزيدەنتتەرى ەكىجاقتى قاتىناستاردىڭ قازىرگى جاعدايى مەن پەرسپەكتيۆاسىن, سونداي-اق بۇعان دەيىن جوعارى دەڭگەيدە قول جەتكىزىلگەن ۋاعدالاستىقتاردىڭ جۇزەگە اسىرىلۋ بارىسىن تالقىلادى. كەزدەسۋدە ساۋدا-ەكونوميكالىق, كولىك-لوگيستيكالىق جانە مادەني-گۋمانيتارلىق سالالارداعى ىنتىماقتاستىققا باسا ءمان بەرىلدى.
ەكى ەل باسشىلارى ستراتەگيالىق سەرىكتەستىك پەن وداقتاستىقتى ودان ءارى نىعايتۋعا ءوزارا نيەتتى ەكەنىن راستادى.
سونىمەن قاتار پرەزيدەنتتەر وڭىرلىك كۇن تارتىبىندەگى وزەكتى ماسەلەلەردى قاراستىردى.
