فوتو: gov.kz
«قارۋلى كۇشتەردە 6000-عا جۋىق كوپبالالى وتباسى بار. وسى قىزمەتتىڭ باسشىلارى بالالاردى, ولاردىڭ جاسىن, نەگە اۋەستەنەتىنىن, نەمەن اينالىساتىنىن جاقسى بىلەدى. بيىلعى جىلى «مەكتەپكە جول» اكتسياسى اياسىندا اسكەري قىزمەتشىلەردىڭ 1800-دەن استام بالاسى جانە 80-گە جۋىق ازاماتتىق پەرسونال قامتىلدى», دەدى قارۋلى كۇشتەر اسكەري قىزمەتشىلەرىنىڭ وتباسى مۇشەلەرىمەن جۇمىستى ۇيىمداستىرۋ ءبولىمىنىڭ باسشىسى تاتتىگۇل سماعۇلوۆا.
جاس وتباسىلارعا ەرەكشە نازار اۋدارىلادى. بۇل ساناتتا اسكەردە 8500-گە جۋىق جانۇيا بار. ءوز تاعدىرىن وتان قورعاۋ ماماندىعىمەن بايلانىستىرعان قارۋلى كۇشتەردىڭ ارداگەرلەرىنە, اسكەري قىزمەتشىلەر اۋلەتىنە قۇرمەت كورسەتەتىن ءىس-شارالار وتكىزىلەدى. مۇنداي كەزدەسۋلەردىڭ تاربيەلىك ءمانى زور. ولار وتباسىلارداعى ءوزارا تۇسىنىستىكتى نىعايتۋعا ىقپال ەتەدى, بالالاردىڭ ماماندىققا دەگەن قىزىعۋشىلىعىن اشادى, ۇرپاقتار ساباقتاستىعىن ۇلگى-ونەگە ەتەدى.
68665 اسكەري بولىمىندە «وتباسى – باقىت مەكەنى» شاراسى ءوتتى. اتالعان شاراعا قاتىسۋشىلارعا سپورتتىق, شىعارماشىلىق كونكۋرستار مەن مەرەكەلىك كونتسەرت ۇيىمداستىرىلدى.
كەڭ اۋقىمدى باعدارلامانى اقمولا وڭىرلىك گارنيزونىنىڭ اسكەري پوليتسيا باسقارماسى دايىنداپ, اشىق ەسىك كۇنىن وتكىزدى. جينالعانداردى قازاقستان قارۋلى كۇشتەرى اسكەري پوليتسيا باس باسقارماسىنىڭ باستىعى پولكوۆنيك رۋسلان ق ۇلىمبەتوۆ تاماشا مەرەكەمەن قۇتتىقتادى. «مەكتەپكە جول» اكتسياسى اياسىندا ول بالالارعا سىيلىقتار ۇلەستىردى.
«اسكەري ۇجىمداعى سالاۋاتتى مورالدىق احۋال جانە وتباسىنىڭ ىنتىماعى – اسكەري قىزمەتشىنىڭ تابىستى قىزمەتىنىڭ, قارۋلى كۇشتەردىڭ جاۋىنگەرلىك دايىندىعىنىڭ كەپىلى», دەپ اتاپ ءوتتى ول.
اسكەري بولىمگە كەلۋشىلەر ءۇشىن جەكە قۇرام مەن كينولوگتاردىڭ جاۋىنگەرلىك داعدىلارىن كورسەتۋ, اسكەري تەحنيكانىڭ, قارۋ-جاراق پەن جاۋىنگەرلىك قۇرال-جابدىقتاردىڭ ۇلگىلەرىن كورسەتۋ, كوركەمونەرپازدار كونتسەرتى, ەرەسەكتەر مەن بالالارعا ارنالعان ويىن باعدارلاماسى ۇيىمداستىرىلىپ, جەڭىمپازدار مەن جۇلدەگەرلەرگە مەدالدار مەن سىيلىقتار بەرىلدى.
