ء«بىزدىڭ ۇلتتىق قۇرامانىڭ سولتۇستىك يرلانديانىڭ مىقتى كومانداسىمەن الاڭداعى كەزدەسۋىن قىزىعا تاماشالادىم. ويىن وتە قىزىقتى ءارى تارتىستى ءوتتى. قازاق فۋتبولشىلارى قارسىلاس كومانداعا توتەپ بەرىپ, 1:0 ەسەبىمەن لايىقتى جەڭىسكە قول جەتكىزدى. قازاقستان ۇلتتىق قۇراماسى جانە ولاردىڭ مىڭداعان جانكۇيەرلەرى ءۇشىن قۋانىشتىمىن», دەدى پرەزيدەنت.
مەملەكەت باسشىسى «استانا جاستارى» مەن باسقا دا ۇيىمدار ەرىكتىلەرىنىڭ, سونداي-اق جەكەلەگەن ازاماتتاردىڭ, بەلسەندىلەردىڭ ۇلگى الارلىق ءىسىن ايرىقشا اتاپ ءوتتى. ولار ويىننان سوڭ ستاديوندا قالىپ, تريبۋناداعى قوقىستى جيناپ شىققان.
«فۋتبولشىلارىمىزدى جانە جاستارىمىزدى ماقتان تۇتامىن», دەپ جازدى قاسىم-جومارت توقاەۆ.
