https://senate.parlam.kz/
كەزدەسۋدە م.اشىمباەۆ كونفەرەنتسيا اياسىندا كونستيتۋتسيالىق باقىلاۋ ماسەلەلەرى بويىنشا سىندارلى پىكىر ايتىپ, تاجىريبەلەرىمەن بولىسكەنى ءۇشىن العىس ءبىلدىردى. سونداي-اق ول قازاقستاندا مەملەكەت باسشىسىنىڭ باستاماسىمەن قۇرىلعان كونستيتۋتسيالىق سوتتىڭ قوعامداعى ماڭىزى جوعارى ەكەنىن جەتكىزدى.
«كونستيتۋتسيالىق سوت – ازاماتتاردىڭ قۇقىقتارىن قورعايتىن ماڭىزدى ينستيتۋت قانا ەمەس, سونىمەن بىرگە زاڭنامانىڭ ەل كونستيتۋتسياسىنا سايكەستىگى تۇرعىسىنان مونيتورينگ جۇرگىزەتىن تەتىك. وسى باعىتتا بىرلەسكەن جۇمىستىڭ الەۋەتى زور. سوندىقتان ءبىز كونستيتۋتسيالىق سوت پەن زاڭ شىعارۋشى ورگان اراسىنداعى ءوزارا ءىس-قيمىل تۋرالى شەتەلدىك تاجىريبەلەرگە ۇلكەن ءمان بەرىپ وتىرمىز», دەدى پالاتا سپيكەرى.
ماۋلەن اشىمباەۆ سەناتتىڭ زاڭ شىعارۋ قىزمەتىنە توقتالىپ, پالاتانىڭ جۇمىسى نەگىزىنەن مەملەكەت باسشىسىنىڭ حالىققا ارناعان جولداۋىندا كورسەتىلگەن رەفورمالاردى ساپالى ىسكە اسىرۋعا باعىتتالعانىن ايتتى.
كەزدەسۋ بارىسىندا تاراپتار ءتۇرلى ەلدەردىڭ كونستيتۋتسيالىق سوت تورەلىگى سالاسىنداعى نەگىزگى باعىتتار مەن باسىمدىقتاردى دا تالقىلادى. اتاپ ايتقاندا, سۋديالار دەموكراتيانىڭ ماڭىزدى ەلەمەنتى رەتىندە ادام قۇقىقتارىن قامتاماسىز ەتۋدىڭ حالىقارالىق تاجىريبەسىنە ەرەكشە نازار اۋداردى.
ءىس-شاراعا قازاقستان رەسپۋبليكاسى كونستيتۋتسيالىق سوتىنىڭ توراعاسى ەلۆيرا ءازىموۆا, سەنات باسشىلىعى مەن دەپۋتاتتارى دا قاتىستى.
