فوتو: وقۋ-اعارتۋ مينيسترلىگى. تەلەگرام.
اتالعان شارا تۇڭعىش پرەزيدەنت اتىنداعى ساياباقتا ساعات 10:00-دە وتەدى.
وقۋ-اعارتۋ مينيسترلىگى ءباسپاسوز قىزمەتىنىڭ مالىمدەۋىنشە اتالعان جارىسقا 2000-نان استام جوعارى سىنىپ وقۋشىسى قاتىسادى. ولار قازاقستاننىڭ گيننەس رەكوردتار كىتابىنا ەنۋدى ماقسات ەتىپ وتىر.
توعىزقۇمالاق – قازاقتىڭ ۇلتتىق ءداستۇرلى ويىندارىنىڭ ءبىرى. سونداي-اق 2020 جىلى توعىزقۇمالاق يۋنەسكو شەشىمىمەن ادامزاتتىڭ مادەني مۇرالارى تىزىمىنە ەنگىزىلگەنىن اتاپ وتكەن ءجون.
سونىمەن قاتار قىركۇيەكتىڭ 21-24 كۇندەرى ارالىعىندا الماتى قالاسىنداعى ADD ۇستەل تەننيسى ورتالىعىندا توعىزقۇمالاق سپورتىنان راپيد جانە بليتس بويىنشا وقۋشىلار اراسىندا (U-15, U-17) الەم چەمپيوناتى ۇيىمداستىرىلادى. تۋرنيرگە الەمنىڭ 20 ەلىنەن 150-دەن استام ويىنشى قاتىسادى.
