فوتو: gov.kz
عىلىم جانە جوعارى ءبىلىم مينيسترلىگىنىڭ ءباسپاسوز قىزمەتىنىڭ مالىمەتىنشە, 1 قىركۇيەكتە سالتاناتتى جاعدايدا العاش رەت اتالعان ۋنيۆەرسيتەتتىڭ تابالدىرىعىن اتتاعان 2600 ستۋدەنتتىڭ اراسىندا «التىن بەلگى» يەگەرلەرى, وليمپيادالاردىڭ جەڭىمپازدارى, سپورتتىق جارىستاردىڭ جۇلدەگەرلەرى, مەملەكەتتىك گرانت يەگەرلەرى جانە «سەرپىن» مەملەكەتتىك باعدارلاماسى بويىنشا وقيتىن ستۋدەنتتەر بار.
گەوگرافيالىق تۇرعىدا ايتا كەتسەك, مۇندا ەلىمىزدىڭ تۇكپىر-تۇكپىرىنەن ستۋدەنتتەر وقيدى. سونىمەن قوسا, Baitursynov university-ندە جاقىن جانە الىس شەتەلدەردىڭ 7 ەلىنەن - رەسەي, وزبەكستان, تاجىكستان, ازەربايجان, گرۋزيا, ءۇندىستان, گەرمانيا, نيگەريا ەلدەرىنەن ستۋدەنتتەر ءبىلىم الادى.
جىل بويى ۋنيۆەرسيتەت ۇجىمى قابىلداۋ ناۋقانىمەن بەلسەندى اينالىسىپ, تالاپكەرلەرمەن تىكەلەي كەزدەسۋلەر, تىكەلەي ەفيرلەر وتكىزگەن. ناتيجەسىندە وتكەن جىلمەن سالىستىرعاندا تالاپكەرلەر مەن ستۋدەنتتەردىڭ سانى 20%-عا كوبەيگەن.
ۋنيۆەرسيتەت ۇجىمى الدىنا جاڭا ماقساتتار مەن مىندەتتەر قويىپ وتىر. ەڭ باستىسى - سۇرانىسقا يە مامانداردى دايارلاۋ ساپاسىنىڭ جوعارى دەڭگەيىن قامتاماسىز ەتۋ.
