فوتو: kazbilim.kz
«عىلىمدى باسقارۋ مودەلى قايتا رەتكە كەلتىرىلە باستادى. قازاقستان رەسپۋبليكاسى پرەزيدەنتىنىڭ جانىنان عىلىم جانە تەحنولوگيالار جونىندەگى ۇلتتىق كەڭەس پەن ۇلتتىق عىلىم اكادەمياسى قۇرىلدى. قازاقستاندىق عالىمداردىڭ عىلىمي زەرتتەۋلەرىنىڭ ناتيجەلەرىن كوممەرتسيالاندىرۋعا ەرەكشە نازار اۋدارىلادى. 2023-2025 جىلدار ارالىعىندا عىلىمدى قارجىلاندىرۋ كولەمى 643 ملرد تەڭگەنى قۇرايدى. ونىڭ ىشىندە بيىلعى جىلى 149 ملرد تەڭگە بولىندى. بۇل وتكەن جىلمەن سالىستىرعاندا 3,5 ەسە كوپ», دەدى اليحان سمايىلوۆ.
بۇدان سوڭ ول وتكەن جىلى 1 700 جەتەكشى عالىمنىڭ جالاقىسى 70%-كە وسكەنىن ەسكە سالدى.
«جىل سايىن جاس عالىمدارعا الەمنىڭ جەتەكشى عىلىمي ورتالىقتارىندا تاعىلىمدامادان ءوتۋ ءۇشىن 500 گرانت بەرىلە باستادى. سونىمەن قاتار ىرگەلى زەرتتەۋلەرمەن اينالىساتىن 11 عىلىمي-زەرتتەۋ ينستيتۋتى تىكەلەي مەملەكەتتىك قارجىلاندىرۋعا اۋىستىرىلدى», دەدى ۇكىمەت باسشىسى.
