فوتو: ۇكىمەتتىڭ ءباسپاسوز قىزمەتى
«قازاقستان مەن كورەيا – قارىم-قاتىناستارى قارقىندى دامۋىمەن ەرەكشەلەنەتىن ەلدەر. الەمگە ايگىلى برەندكە نازار اۋدارۋ قازاقستاننىڭ بارلىق اۆتوموبيل ونەركاسىبى ءۇشىن ماڭىزدى وقيعا. بۇل بۇگىندە مەملەكەتتىڭ يندۋستريالىق دامۋىنىڭ ستراتەگيالىق ماڭىزدى قۇرامداس بولىگى», دەپ اتاپ ءوتتى ر.سكليار.
كەزدەسۋ بارىسىندا قر-دا «Kia Qazaqstan» بىرلەسكەن كاسىپورنىن قۇرۋ بويىنشا قۇرىلتاي قۇجاتتارىنا قول قويىلدى, ول قوستاناي قالاسىندا برەندتىڭ جاڭا زاۋىتىنىڭ قۇرىلىسىنا, ەلىمىزدەگى اۆتوونەركاسىپتىڭ جەرگىلىكتى ورتالىعىنىڭ پايدا بولۋىنا جانە جاڭا فورماتتاعى تەحنيكالىق مامانداردى دايارلاۋعا جەتەكشىلىك ەتەتىن بولادى. ينۆەستورلار جوباعا 90 ملرد تەڭگە سالادى.
«قازاقستاندا Kia زاۋىتىن قۇرۋ تۋرالى شەشىم رەسپۋبليكا پرەزيدەنتى مەن ۇكىمەتىنىڭ جوعارى دەڭگەيدە نازار اۋدارۋىنىڭ ارقاسىندا قابىلداندى. ءبىز ءوز تاراپىمىزدان بارىنشا كۇش-جىگەرىمىزدى سالامىز جانە العاشقى قادام رەتىندە قۇرىلىستى وسى جىلدىڭ قازان ايىندا باستايمىز. جالپى, Kia-نىڭ شەتەلدەگى مۇنداي ىنتىماقتاستىعى الەمدە تەڭدەسى جوق ەكەنىن اتاپ وتكىم كەلەدى», دەدى سانگ گۆون دجونگ.
جاڭا Kia زاۋىتىندا ءوندىرىستىڭ تولىق كەزەڭى 2025 جىلى اشىلادى دەپ حابارلاندى. ونىڭ وندىرىستىك الاڭى 85 مىڭ شارشى مەتردەن اسادى, 1500-گە جۋىق جۇمىس ورنىن قۇرۋ جوسپارلانۋدا.
ايتا كەتۋ كەرەك, زاۋىت قۇرىلىسىنىڭ جوسپارىن ينۆەستورلار قر پرەزيدەنتى قاسىم-جومارت توقاەۆتىڭ قوستاناي قالاسىندا برەندتىڭ شاعىن ءوندىرىسىن ىسكە قوسۋ ساپارى كەزىندە العاش رەت ايتقان بولاتىن. ونەركاسىپتىك ىنتىماقتاستىق جوباسى قازاقستان-كورەيانىڭ ەكىجاقتى ەكونوميكالىق ىنتىماقتاستىعىنىڭ جارقىن ۇلگىسىنە اينالدى.
وتكەن جىلدىڭ سوڭىندا ەكى ەل اراسىنداعى تاۋار اينالىمى $6 ملرد-تان استام بولسا, كورەيادان قازاقستانعا قۇيىلعان تىكەلەي شەتەلدىك ينۆەستيتسيا كولەمى $1,5 ملرد-قا جەتتى, بۇل – ەكونوميكالىق قاتىناستاردىڭ بۇكىل تاريحىنداعى رەكوردتىق كورسەتكىش.
