فوتو: استانا قالاسىنىڭ اكىمدىگى
«تسيفرلىق تەحنولوگيالار بۇگىندە كۇندەلىكتى ءومىرىمىزدى جايلى ەتەتىن ينفراقۇرىلىمنىڭ اجىراماس بولىگى بولىپ سانالادى. قالالىق ورتا دامۋى ءۇشىن يننوۆاتسيانىڭ ىزىمەن ءجۇرۋى كەرەك.
Pitch Day ءىس-شاراسىنا قاتىسۋشىلار دەنساۋلىق ساقتاۋ, ءبىلىم بەرۋ, تكش سالالارىن ارى قاراي تسيفرلاندىرۋعا باعىتتالعان, سول سياقتى قاۋىپسىزدىك ماسەلەلەرىن قامتاماسىز ەتەتىن ون IT جوبانى تانىستىردى. ءبىز ءۇشىن مۇنداي الاڭدار يننوۆاتسيالىق يدەيالار مەن ۇسىنىستار تالقىلاناتىن ورىن عانا ەمەس ءارى جوبالار قولداۋ تاباتىن جانە ىسكە اسىرىلاتىن ورىن», دەپ جازدى جەڭىس قاسىمبەك.
اكىمنىڭ جازۋىنشا, وسىعان دەيىن قالا بىرقاتار جوباعا, ونىڭ ىشىندە «قولجەتىمدى اۋلا» بويىنشا, سونداي-اق ءبىلىم بەرۋ, مەديتسينا جانە باسقا دا سالالاردا قولداۋ كورسەتكەن ەدى.
«ۇسىنىلعان جوبالاردى ەگجەي-تەگجەيلى زەرتتەيمىز. سونداي-اق Pitch Day قاتىسۋشىلارىمەن بىرلەسىپ, قالالىق قىزمەتتەرىمىزدىڭ جۇمىسىن جۇيەلەندىرۋگە جانە وڭتايلاندىرۋعا مۇمكىندىك بەرەتىن جوبالار قۇرۋ بويىنشا جۇمىس ىستەيمىز. بىرەگەي يننوۆاتسيالىق يدەيالارى مەن جوبالارى بار IT-ماماندار, ءبىزدىڭ ءپروفيلدى باسقارمامىزدىڭ فورۋمدارىنىڭ قاتىسۋشىسى بولا الاسىزدار. ءبىز قولداۋ كورسەتۋگە جانە بىرلەسىپ جۇمىس ىستەۋگە قاشاندا دايىنبىز», دەپ قوستى استانا اكىمى.
