فوتو: ۇكىمەتتىڭ ءباسپاسوز قىزمەتى
ۇكىمەت باسشىسى قازاقستان تاياۋ جىلدارى ەنەرگەتيكالىق جۇيەنى بىرىكتىرۋدى اياقتاپ, ەكونوميكا مەن حالىقتىڭ ەلەكتر ەنەرگياعا قاجەتتىلىگىن تولىق قامتۋدى جوسپارلاپ وتىرعانىن اتاپ ءوتتى. اتاپ ايتقاندا, رەسپۋبليكانىڭ ەلەكتر ەنەرگەتيكا سالاسىن دامىتۋ جونىندەگى ءتيىستى تۇجىرىمداما قابىلداندى.
قازىرگى ۋاقىتتا قولدانىستاعى ەلەكتر ستانتسيالارىن جاڭعىرتۋ بويىنشا جوبالار جۇزەگە اسىرىلۋدا, بۇل 2027 جىلعا قاراي 1700 مۆت-تان استام قۋاتتى ىسكە قوسۋعا مۇمكىندىك بەرەدى. بيىل ەكىباستۇز گرەس-1-دە №1 ەنەرگوبلوكتى قالپىنا كەلتىرۋ اياقتالادى, بۇل الداعى كۇزگى-قىسقى ماۋسىمدا قوسىمشا 500 مۆت-پەن قامتاماسىز ەتپەك.
سونىمەن قاتار كوكشەتاۋ جانە سەمەي قالالارىندا جاڭا جىلۋ ەلەكتر ورتالىقتارىن سالۋ جوسپارلانعان. ۇلتتىق ەلەكتر جەلىسىن جاڭعىرتۋ جۇمىستارى جۇرگىزىلۋدە. بۇدان بولەك, باتىس ەنەرگەتيكالىق ايماعىنىڭ ەلەكتر جەلىلەرىن كۇشەيتۋ جوباسىن اياقتاۋ جوسپارلانعان جانە وڭتۇستىك ايماقتىڭ ەلەكتر جەلىلەرىن كۇشەيتۋ بويىنشا جوبا ازىرلەنىپ جاتىر.
«CMC كورپوراتسياسىنىڭ قازاقستانعا ينۆەستيتسيالاۋ بويىنشا تاجىريبەسى بار. ءبىز كومپانيانىڭ ەنەرگەتيكالىق جوبالارعا قاتىسۋ ارقىلى ينۆەستيتسيا اۋقىمىن كەڭەيتۋ جونىندەگى نيەتىن قۇپتايمىز», دەدى ءاليحان سمايىلوۆ.
ءوز كەزەگىندە چجاو چجەنسيان China National Machinery Import & Export Corporation ءوزارا ءتيىمدى شارتتاردا بىرلەسكەن جوبالاردى ازىرلەۋگە جانە جالپى ورناتىلعان ىنتىماقتاستىقتى ءارى قاراي نىعايتۋعا دايىن ەكەنىن ايتتى.
ء«بىز سەرىكتەستەرىمىزبەن ەگجەي-تەگجەيلى تالقىلاۋ وتكىزىپ, قارجىلىق ينستيتۋتتارىمىزدىڭ قولداۋىن الدىق. بۇل ءبىزدىڭ ۇلكەن قىزىعۋشىلىعىمىزدى كورسەتەدى. اتالعان جوبالاردى جۇزەگە اسىرعان جاعدايدا قازاقستان ەكونوميكاسىنىڭ دامۋىنا ۇلەس قوسۋ ءۇشىن جەرگىلىكتى مەردىگەرلەرمەن جانە تاۋار جەتكىزۋشىلەرمەن كەلىسىمشارت جاسايمىز», دەدى CMC ۆيتسە-پرەزيدەنتى.
China National Machinery Import & Export Corporation قىزمەتى ەنەرگەتيكا, كولىك, جىلجىمايتىن م ۇلىك, حيميا جانە جەڭىل ونەركاسىپ, ينفراقۇرىلىم, كەمە قاتىناسى جانە تاعى باسقا سالالاردى قامتيدى. كاسىپورىننىڭ ونىمدەرى مەن قىزمەتتەرى الەمنىڭ 160-تان استام ەلىندە ۇسىنىلعان.
