فوتو: ۇكىمەتتىڭ ءباسپاسوز قىزمەتى
تاو يان اتاپ وتكەندەي, CITIC كونگلومەراتى قازاقستاندىق مال ءوسىرۋ قاۋىمداستىعىمەن تىعىز بايلانىستا.
«قازىر قازاقستاندا بيداي نەگىزىندەگى جەمشوپ وندىرەتىن زاۋىت قۇرۋ جوباسىمەن جۇمىس ىستەپ جاتىرمىز. قىتايدا مۇنداي جەمگە ۇلكەن قاجەتتىلىك بار. جاقىندا ءۇشارالدا سيىر وسىرۋمەن ايلانىساتىن جەرگىلىكتى سەرىكتەستەرىمەن كەزدەستىك. ولار ايماقتىق كومپانيا قۇرۋعا نيەتتى, ولاردا مال ءوسىرۋ جاعدايلارى شىڭجاڭعا قاراعاندا جاقسىراق. الايدا ءتىرى مال مەن ەتتى قازاقستاننان قحر-عا اكەتۋگە شەكتەۋ قويۋ ماسەلەسى بار», دەدى كونگلومەرات باسشىسى.
سەرىك جۇمانعارين قر بارلىق اۋماعىنان ەت ونىمدەرىن ەكسپورتتاۋدى قىتاي تاراپى ەپيزووتياعا بايلانىستى توقتاتقانىن اتاپ ءوتتى. بىراق ەكى ەلدىڭ ۋاكىلەتتى ورگاندارى قازىر بۇل شەكتەۋلەردى الۋ ءۇشىن بەلسەندى جۇمىس ىستەۋدە.
ء«بىز ءۇشىن شەكتەۋلەردى مۇمكىندىگىنشە تەزىرەك الىپ تاستاۋ ماسەلەسىن شەشۋ وتە ماڭىزدى, قازاقستاننىڭ قىتايعا ەت جەتكىزۋدى قامتاماسىز ەتۋدىڭ مۇمكىندىكتەرى زور. وسى جىلدىڭ ناۋرىز ايىندا دۇنيەجۇزىلىك جانۋارلار دەنساۋلىعى ۇيىمى قازاقستاننىڭ بەس وڭتۇستىك-شىعىس ءوڭىرىن ۆاكتسيناتسيامەن اۋسىلدان تازا دەپ جاريالادى», دەدى ول.
قازاقستاننىڭ ۆيتسە-پرەمەرى CITIC CONSTRUCTION پرەزيدەنتىنە اۋىل شارۋاشىلىعىنا قاتىستى ينۆەستيتسيالاردىڭ بىرنەشە باعىتىن قاراۋدى ۇسىندى. ءبىرىنشىسى, سۋار-عا ىرگەلەس اۋماقتا وسىمدىكتەردى, جەم-شوپتەر مەن جانۋارلاردى بىرگە ءوسىرۋ. ەكىنشىسى, سيىرلار مەن قويلاردى بىرگە ءوسىرۋ.
«قازاقستان اۋماعىندا تەرى مەن ءجۇندى قايتا وڭدەۋ, ءسۇت, قۇس ءوسىرۋ وندىرىستەرى جەتىسپەيدى. وسى سالالارعا, سۋارۋ جوبالارىنا ينۆەستيتسيا سالۋ مۇمكىندىگىن قاراستىرۋدى ۇسىنامىن. قر ۇكىمەتى جوبالاردى ءساتتى ىسكە اسىرۋعا جاردەمدەسۋگە دايىن, ويتكەنى CITIC Group قازاقستاننىڭ سەنىمدى ينۆەستيتسيالىق سەرىكتەسى», دەدى سەرىك جۇمانعارين.
قازاقستانداعى CITIC Group قاتىسۋىمەن جوبالار:
1) قاراجانباسمۇناي «اق – «قمگ ء«بو» اق (50%) جانە «CITIC Group» (50%) اكتسيونەرلەرى.
2) «CASPI BITUM «بك» جشس بيتۋم زاۋىتى.
3) «CITIC Kazyna Investment Fund I». قوردىڭ ينۆەستورلارى – «قازىنا كاپيتال مەنەدجمەنت» اق (49,9%), «CITIC Group» (37,4%) جانە ونىمەن ۇلەستەس «Sun Success International Limited» كومپانياسى (12,5%). قوردى ينۆەستيتسيالىق باسقارۋ تەپە-تەڭدىك نەگىزىندە جۇزەگە اسىرىلادى.
4) «Eurasian Nurly Investment Fund» بىرلەسكەن تىكەلەي ينۆەستيتسيالار قورى – «CITIC Group» كورپوراتسياسىنىڭ جانە باسقا دا بىرقاتار سەرىكتەستەردىڭ قاتىسۋىمەن «سامۇرىق-قازىنا» اق-نىڭ «قازىنا كاپيتال مەنەدجمەنت» اق-مەن بىرلەسىپ جاساعان جوباسى.
5) تالدىقورعان – وسكەمەن (764 كم) جانە ءۇشارال – دوستىق (180 كم) ۋچاسكەلەرىندەگى اۆتوجولداردى رەكونسترۋكتسيالاۋعا ارنالعان باس مەردىگەرلىك شارت.
6) قاراجانباس كەن ورنىندا قات-قابات سۋىن تەرەڭ وڭدەۋ. جوبانىڭ ماقساتى – تەحنولوگيالىق قاجەتتىلىكتەر ءۇشىن تاۋلىگىنە 17 مىڭ تەكشە مەتر كولەمىندە تۇششىلاندىرىلعان قات-قابات سۋىن ءوندىرۋ, سونداي-اق حالىقتىڭ قاجەتتىلىكتەرىنە جەتكىزۋ. نىسان سىناق رەجيمىندە 2022 جىلعى 7 شىلدەدە پايدالانۋعا بەرىلدى.
