اتاپ ايتار بولساق, قازىردىڭ وزىندە ەلىمىزدەگى بايراقتى دوداعا ATP رەيتينگتە 26-ساتىعا جايعاسقان ەلىمىزدىڭ ءبىرىنشى راكەتكاسى, جۋىردا عانا گەرمانيانىڭ گاللە قالاسىندا مارەسىنە جەتكەن اتر 500 ءتۋرنيرىنىڭ جەڭىمپازى الەكساندر بۋبليك, «ۇلكەن دۋلىعا» ساناتىنداعى ەڭ ءىرى ءۇش ءتۋرنيردىڭ جەڭىمپازى, وليمپيادا چەمپيونى, ATP ساناتىنداعى 19 ءتۋرنيردىڭ جەڭىمپازى, «دەۆيس كۋبوگىنىڭ» يەگەرى, الەمنىڭ بۇرىنعى ءۇشىنشى راكەتكاسى شۆەيتساريالىق ستەن ۆاۆرينكا, بىرقاتار ءىرى جارىستىڭ جەڭىمپازى, الەمنىڭ ەكس ءۇشىنشى راكەتكاسى اۋستريالىق دومينيك تيم, جاستار اراسىنداعى «ۇلكەن دۋلىعا» ءتۋرنيرىنىڭ جەڭىمپازى, جاستار اراسىنداعى الەمنىڭ بۇرىنعى ءبىرىنشى راكەتكاسى, قازىرگى تاڭدا ەرەسەكتەر اراسىنداعى رەيتينگتە 32-ورىندا تۇرعان امەريكالىق سەباستيان كوردا قاتىساتىندارىن مالىمدەدى.
ايتا كەتەيىك, ەلورداداعى Beeline Arena ۇلتتىق تەننيس ورتالىعىندا وتەتىن ATP 250 ساناتىنداعى ASTANA OPEN ءتۋرنيرى بيىل ءۇشىنشى مارتە ۇيىمداستىرىلماق. بۇل تۋرنير بۇعان دەيىن ەلىمىزدە 2020 جانە 2021 جىلدارى وتكىزىلسە, بىلتىر قازاقستان تەننيس تاريحىندا العاش رەت اتر 500 سەريالى جارىستىڭ جالاۋى جەلبىرەگەن ەدى.
جۇلدە قورى 1 017 860 اقش دوللارىن قۇرايتىن تۋرنير ەلوردادا 26 قىركۇيەك پەن 3 قازان ارالىعىندا وتەدى.
