ەلدىك پەن بىرلىك جىرعا ارقاۋ بولعان دودادا ءوڭىردىڭ ۇكىلى ءۇمىتى سانالاتىن تالانتتى جاستار ادەمى شۋماقتارىمەن دارالانىپ, سالماقتى ءسوز, پايىمدى وي ايتقانى كوڭىلگە قوندى. ۋاقىتىندا وقۋشىلار اراسىنداعى ايتىستاردا جۇلدىزى جارقىراعان جاس اقىنداردىڭ دەڭگەيى وسكەنىن انىق اڭعاردىق.
جىر دوداسىنىڭ قورىتىندىسىندا شۋلىق ايىم كوشەرباي قاتارلاستارىنا قاراعاندا وق بويى وزىق ونەر كورسەتىپ, ءبىرىنشى ورىنعا يە بولسا, جۋالىلىق ديدار اپباسوۆ ەكىنشى ورىنعا لايىق دەپ تانىلدى. ال بايزاقتىق ەرنۇر بەيسەنوۆ, تالاستىق ايسۇلۋ جۇنىسبەك, تارازدىق مەدەۋ مىرزاتاي, جامبىلدىق ەلىك نۇرماعامبەتوۆ ۇزدىك ۇشتىكتى قورىتىندىلادى. قالعان التى اقىنعا ارنايى جۇلدە تابىستالدى.
وبلىس اكىمدىگى جاستار ساياساتى ماسەلەلەرى باسقارماسى جانە جامبىل اۋدانى اكىمدىگىنىڭ قولداۋىمەن ۇيىمداستىرىلعان وبلىستىق ايتىستا جاس تالانتتاردىڭ تالپىنىسى زور ەكەنىنە كوز جەتكىزدىك. «جالپى العاندا جامبىل جەرى ءان مەن جىردىڭ ەلى عوي. باسقارما تاراپىنان اتامۇرا ونەرگە اڭسارى اۋعان جاستارعا جان-جاقتى قولداۋ كورسەتۋگە قاشان دا دايىنبىز. ويتكەنى ءوڭىر جاستارى – ءبىزدىڭ ماقتانىشىمىز», دەيدى وبلىس اكىمدىگى جاستار ساياساتى ماسەلەلەرى باسقارماسىنىڭ باسشىسى جومارت زۇلپىحار.
جامبىل وبلىسى
