فوتو: قورعانىس مينيسترلىگىنىڭ ءباسپاسوز قىزمەتى
وعان قورعانىس مينيسترلىگىنىڭ وكىلدەرى, قارۋلى كۇشتەردىڭ ارداگەرلەرى, «Atamnyn Amanaty» قب, «اسكەري-پاتريوتتىق جانە ىزدەستىرۋ قوزعالىسى قاۋىمداستىعى» رقب وكىلدەرى, قارۋلى كۇشتەر ۇلتتىق اسكەري-پاتريوتتىق ورتالىعىنىڭ اسكەري قىزمەتشىلەرى قاتىستى.
بەينەكونفەرەنتسبايلانىس رەجيمىندە وتكەن شاراعا پەتروپاۆل قالاسى مەن جەتىسۋ وبلىسىنىڭ الاكول اۋدانى اكىمدىكتەرىنىڭ وكىلدەرى دە قوسىلدى.
«بۇگىن سوعىس مايداندارىندا ەرلىكپەن قازا تاپقان قازاقستاندىق جاۋىنگەرلەر تۋعان توپىراعىنا ورالدى. حابارسىز كەتكەندەردىڭ تاعدىرى ولاردىڭ ۇرپاقتارىن ءالى كۇنگە دەيىن الاڭداتادى. ولار اتالارى مەن اكەلەرىنەن قانداي دا بولسا حابار كۇتەدى. ۇرپاعى ءۇشىن ءوز ومىرلەرىن قۇربان ەتكەن بارلىق جاۋىنگەرلەر ماڭگى ەسىمىزدە», دەپ اتاپ ءوتتى تاربيە جانە يدەولوگيالىق جۇمىس دەپارتامەنتىنىڭ باستىعى ادىلەت پولكوۆنيگى تىلەۋحان باسقوجاەۆ.
ىزدەستىرۋشىلەردىڭ ارقاسىندا ەكى قازاقستاندىق قىزىلاسكەر: 1913 جىلى تۋعان يۆان سۋرنين مەن 1903 جىلى تۋعان فيليپپ پاراسەنكونىڭ تاعدىرى بەلگىلى بولدى.
117 جەكە اتقىشتار بريگاداسىنىڭ قىزىلاسكەرى يۆان فيليپپوۆيچ ءسۋرنيندى «پوكولەنيە» ىزدەستىرۋ جاساعىنىڭ ىزدەۋشىلەرى تۆەر وبلىسى, ولەنين مۋنيتسيپالدى وكرۋگى, درونيچەنو ەلدى مەكەنىنەن تاپقان. ول سولتۇستىك قازاقستان وبلىسىنىڭ پرەسنوۆ اۋداندىق اسكەري كوميسسارياتىنان شاقىرىلعان.
الماتى وبلىسىنىڭ تۋماسى فيليپپ لاۆرەنتەۆيچ پاراسەنكونىڭ سۇيەگىن ايماقتىق «فرونتوۆىە دوروگي» اسكەري-پاتريوتتىق ىزدەۋ كلۋبىنىڭ ىزدەۋشىلەرى ىزدەپ تاپقان. ول الماتى وبلىسىنىڭ الاكول اۋدانىنان شاقىرىلعان.
سولتۇستىك قازاقستان وبلىسىندا يۆان ءسۋرنيننىڭ نەمەرەسى گالينا سامسونوۆا تۇرادى.
«اتامىزدىڭ وتانىنا ورالعانى ءۇشىن قورعانىس مينيسترلىگى مەن رەسەيلىك ىزدەۋشىلەرگە شىن جۇرەكتەن العىس ايتامىن. اتامىز قىزىنىڭ جانىنا جەرلەنەدى. انام اكەسىنىڭ اۋىر شايقاستا قازا تاپقانىن بىلەتىن. ول بۇل تۋرالى سوعىستان امان ورالعان اتامنىڭ قارۋلاس دوسىنان ەستىپ بىلگەن», دەيدى گالينا تاراسوۆنا.
وكىنىشكە قاراي, فيليپپ پاراسەنكونىڭ تۋىستارى ءالى تابىلمادى. ونى قايتا جەرلەۋمەن جەتىسۋ وبلىسى الاكول اۋدانىنىڭ اكىمدىگى اينالىسادى.
قايتا جەرلەۋ راسىمدەرى وڭىرلەردە اسكەري قۇرمەتپەن وتەدى.
