بۇگىن قازاق ءۆالسىنىڭ كورولى - ءشامشى قالداياقوۆتىڭ تۋعان كۇنى

قازىرگى تۇركىستان وبلىسى, وتىرار اۋدانى, وسى كۇندەرى ءشامشى قالداياقوۆتىڭ ەسىمىمەن اتالاتىن اۋىلدا 1930 جىلى دۇنيەگە كەلگەن.

ەكىنشى دۇنيەجۇزىلىك سوعىس جىلدارىنا بالالىق شاعى تۇسپا-تۇس كەلگەن ول تىلدا جۇمىس ىستەدى, 1950 جىلى سارىاعاشتاعى قاپلانبەك مالدارىگەرلىك تەحنيكۋمىن ءتامامدادى. اسكەري بورىشىن قيىر شىعىستا 1951-1954 جىلدارى وتەگەن. 1956-1962 جىلدارى الماتى مەملەكەتتىك كونسەرۆاتورياسىندا وقىعان.

1950 جىلدان بەرى شىعارماشىلىقپەن اينالىسقان داڭقتى كومپوزيتور 40 جىلدان استام ۋاقىتتا 300-گە جۋىق ءان جازعان دەسەدى. «انا تۋرالى جىر», «ساعىنىشىم مەنىڭ», «ارىس جاعاسىندا», «تامدى ارۋى», «قايىقتا», «اق بانتيك», «كەشىكپەي كەلەم دەپ ەڭ», «قۋانىش ءۆالسى», «جاقسىگۇل», ء«انىم سەن ەدىڭ» جانە تاعى باسقا اندەرى التى الاشتى شارلاپ كەتكەنى ءمالىم.  

ش.قالداياقوۆقا 1991 جىلى قازاقستاننىڭ حالىق ءارتىسى اتاعى بەرىلدى.

1991 جىلى ءشامشى قالداياقوۆ تۋرالى «جىلدارىم مەنىڭ, جىرلارىم مەنىڭ» اتتى عۇمىرنامالىق دەرەكتى فيلم تۇسىرىلگەن.

كومپوزيتور ۇزاققا سوزىلعان اۋىر دەرتتەن 1992 جىلى 29 اقپاندا 62 جاسىندا قايتىس بولدى.

1992 جىلدان بەرى ءشامشى قالداياقوۆ اتىنداعى فەستيۆال ءداستۇرلى تۇردە وتكىزىلىپ كەلەدى.

ماڭگىلىك ولمەيتۇعىن قازىنا قالدىرعان اڭىز ادام ءشامشى قالداياقوۆ بايلىق-اتاققا مالىنباسا دا قالىڭ قازاقتىڭ الاقانىندا ءوتتى.