ءىس-شارالاردىڭ نەگىزگى ماقساتتارى – مەملەكەتتىك جاستار ساياساتى تۇجىرىمداماسىن ىسكە اسىرۋ جانە جاستار اراسىندا مەملەكەتتىك قولداۋ شارالارىن ىلگەرىلەتۋ, جاستارمەن جۇمىس تەتىكتەرىن, فورماتتارىن دامىتۋ, سونداي-اق مەملەكەتتىك قولداۋ شارالارى تۋرالى كەڭىنەن حاباردار ەتۋ, سونداي-اق ءارتۇرلى سالالاردا جەتىستىككە جەتكەن قازاقستاندىق جاستاردىڭ كوشباسشىلىق الەۋەتىن اتاپ ءوتۋ.
7-9 تامىز ارالىعىندا «جاستار ەلگە!» اتتى جوعارى رۋحاني جانە ادامگەرشىلىك قۇندىلىقتاردى, سونداي-اق جاستاردىڭ كوشباسشىلىق الەۋەتىن كورسەتۋ ماقساتىندا ءىس-شارالار كەشەنى وتكىزىلگەن.
سونداي-اق «12 يگى ءىس» اكتسياسى باستالىپ, ونىڭ اياسىندا قازاقستان جاستارى يگى ىستەر جاساپ, الەۋمەتتىك جەلىلەردە بىرىڭعاي حەشتەگپەن ءبولىسىپ وتىردى.
بارلىق قالالاردا, اۋدانداردا, اۋىلداردا بەلسەندى جاستاردىڭ, ۆولونتەرلەردىڭ, ءوڭىردىڭ جاستار ۇيىمدارى باسشىلارىنىڭ قاتىسۋىمەن قايىرىمدىلىق اكتسيالارى ۇيىمداستىرىلىپ, از قامتىلعان وتباسىلارعا, جالعىزباستى قارتتارعا, مۇمكىندىگى شەكتەۋلى جاندارعا ازىق-ت ۇلىك, قارجىلىق كومەكتەر كورسەتىلگەن.
بۇكىل ەل بويىنشا قورشاعان ورتانى قورعاۋعا, تابيعاتقا ۇقىپتى قاراۋعا باعىتتالعان: ەكولوگيالىق اكتسيالار, سەنبىلىكتەر, قوقىس جيناۋ, اعاشتاردى كۇتۋ اكتسيالارى وتكەن.
سونىمەن قاتار, بارلىق قالالاردا, اۋدانداردا, اۋىلداردا «Bilim», «Sabaqtastyq», «Saýlyq», «Qamqor», «Taza Álem», «Úmit», «Asyl mura» باعىتتارى بويىنشا ۆولونتەرلەر ءىس-شارالارى ۇيىمداستىرىلعان.
بۇلارعا قوسا, 9-11 تامىز ارالىعىندا «جاستار – ەل دامۋىنىڭ باستى درايۆەرى!» ءىس-شارالار كەشەنى وتكىزىلىپ, ونىڭ شەڭبەرىندە 232 جاستار رەسۋرستىق ورتالىعى بازاسىندا مەملەكەتتىك قولداۋ شارالارى بويىنشا اقپاراتتىق-ءتۇسىندىرۋ جۇمىستارى جانە جاستارعا «ديپلوممەن اۋىلعا!», «جاستار پراكتيكاسى», «جاس وتباسى», «جالعا بەرىلەتىن تۇرعىن ءۇي», «جاستارعا ارنالعان تۇرعىن ءۇي», «جاسىل ەل», «جاس كاسىپكەر», «سەرپىن», «دارىن», «تاۋەلسىزدىك ۇرپاقتارى», «بولاشاق», «كاسىپكەرلىككە 2,5% جەڭىلدىكپەن كرەديت بەرۋ» جانە تاعى باسقا باعدارلامالار مەن جوبالار بويىنشا ارنايى كونسۋلتاتسيالار وتكىزىلگەن.
NEET ساناتىنداعى جۇمىسسىز جاستار ءۇشىن جوو مەن كوللەدج تۇلەكتەرىن جۇمىسقا ورنالاستىرۋعا جاردەمدەسۋ ماقساتىندا بارلىق قالالاردا, اۋدانداردا, اۋىلداردا كەڭ اۋقىمدى بوس ورىندار جارمەڭكەسى وتكەن.
وڭىردە جاستارعا ارنالعان نىساندار (مەكتەپتەر, كوللەدجدەر, سپورتتىق-مادەني ورتالىقتار, جاتاقحانالار جانە ت.ب.) اشىلدى, street workout بويىنشا جاستار اراسىندا جارىستار, سونداي-اق 12 شاقىرىمدىق مارافون وتكىزىلىپ, ءتۇرلى سالالاردا ەرەكشەلەنگەن ەڭ بەلسەندى جاستار وبلىس باسشىلىعىنىڭ العىس حاتتارىمەن جانە ەستەلىك سىيلىقتارىمەن ماراپاتتالعان.
جاستار اپتالىعى شەڭبەرىندە 14-35 جاس ارالىعىنداعى 1,5 ملن-نان استام جاستاردىڭ قاتىسۋىمەن 1000-نان استام ءىس-شارالار ۇيىمداستىرىلعان.
