سينوپتيكتەردىڭ بولجاۋىنشا, رەسپۋبليكامىزدىڭ باسىم بولىگىندە اۋا تەمپەراتۋراسى تومەندەپ, جاڭبىر جاۋادى. وڭتۇستىك تسيكلوننىڭ اسەرى مەن اتموسفەرالىق فرونتالدى بولىمدەردىڭ وتۋىمەن ەلدىڭ باسىم بولىگىندە تۇراقسىز اۋا رايى كۇتىلەدى, ەلىمىزدىڭ سولتۇستىگىندە, شىعىسىندا جانە ورتالىعىندا جاڭبىر, كەي ۋاقىتتاردا قاتتى جاڭبىر جاۋىپ, نايزاعاي, بۇرشاق, 15-28 م/س دەيىن ەكپىندى جەل كۇتىلەدى. نايزاعاي كەزىندە داۋىلدى جەل بولۋى ىقتيمال.
«ەلىمىزدىڭ سولتۇستىك-باتىسىندا, سولتۇستىگىندە, ورتالىعىندا تۇنگى جانە تاڭەرتەڭگى ساعاتتاردا تۇمان كۇتىلەدى. قازاقستاننىڭ باتىسىندا, سولتۇستىك-باتىسىندا جانە وڭتۇستىگىندە جاۋىن-شاشىنسىز, جوعارى تەمپەراتۋرامەن اشىق اۋا رايى ساقتالادى, 12-13 تامىزدا اتىراۋ وبلىسىنىڭ وڭتۇستىك-باتىسىندا ءالى دە وتە قاتتى ىستىق بولادى», دەپ حابارلادى ماماندار.
سينوپتيكتەردىڭ ايتۋىنشا, سولتۇستىك, شىعىس جانە ورتالىق وڭىرلەردە سالقىن بولادى, اۋا تەمپەراتۋراسى كۇندىز 12-20 گرادۋسقا دەيىن, ال وڭتۇستىك-شىعىستا 20-28 گرادۋسقا دەيىن تومەندەيدى.
