پرەزيدەنت دياگنوستيكالىق-ەمحانالىق كەشەنىن, ستاتسيونار ءبولىمىن, سونداي-اق لازەر ورتالىعى مەن وپەراتسيالىق بلوكتى ارالاپ كوردى.
مەكەمە باسشىلىعىنىڭ ايتۋىنشا, كلينيكا اي سايىن كوز اۋرۋىنا شالدىققان 1000-عا جۋىق ناۋقاستى قابىلداپ, 200-گە تارتا وتا جاسايدى. پاتسيەنتتەر اقىلى تۇردە دە, مىندەتتى الەۋمەتتىك مەديتسينالىق ساقتاندىرۋ اياسىندا دا دياگنوستيكادان وتە الادى.
كلينيكا قىزمەتكەرلەرىمەن اڭگىمەلەسۋ بارىسىندا پرەزيدەنت وڭىرلەردە وسىنداي جوعارى تەحنولوگيالىق ارناۋلى مەديتسينا مەكەمەلەرىنىڭ اشىلۋى وتە ماڭىزدى ەكەنىن اتاپ ءوتتى. مەملەكەت باسشىسى ورتالىق ۇجىمىنىڭ جاۋاپتى قىزمەتىنە تابىس تىلەدى.
