سۇيكىمدى لاققا بايشەشەك دەگەن ەسىم بەرىلدى. باق قىزمەتكەرلەرى بايشەشەك تۇسىرىلگەن ۆيدەونى الەۋمەتتىك جەلىگە جۇكتەدى.
ۆيدەونىڭ استىنداعى سيپاتتامادا ەلىك 28 ماۋسىمدا اكەسى كرۋگلياشوك پەن اناسى رايحاننان تۋعانى ايتىلعان. قازىر ءتول ءبىراز وسكەن, ءوزىن جاقسى سەزىنەدى.
«بۇل ەرەكشە سۇيكىمدى جانۋار كىمدى ەستەرىڭىزگە تۇسىرەدى؟ ارينە, بارشاڭىزدىڭ ەسىڭىزگە بالالارعا ارنالعان مۋلتفيلمنەن تانىس ەلىكتىڭ لاعى – بەمبيدى ەسكە تۇسىرگەن شىعار. ازىرشە بايشەشەك ەنەسىنىڭ ءسۇتىن ەمەدى. ازداپ ءشوپتىڭ, جەمىس پەن جارمانىڭ ءدامىن تاتا باستادى. كىشكەنتاي بايشەشەكتى زەبرالار ۆولەرىنىڭ وڭ جاعىنداعى ۇلكەن قورشاۋدا تۇراتىن ەلىكتەر وتباسىنان كورە الاسىزدار. بايشەشەك وندا ءوزىنىڭ ۇلكەن-كىشى تۋىستارىمەن بىرگە جۇرەدى. كىشكەنتاي ەلىكتىڭ لاعىن كورۋگە زووباققا كەلىڭىزدەر!», دەپ جازدى الماتى حايۋاناتتار باعىنىڭ قىزمەتكەرلەرى Instagram پاراقشاسىندا.
