قازىر اتا-انالاردىڭ وتىنىشتەرى قابىلدانىپ جاتىر, ال ارلەۋ جۇمىستارى اياقتالۋعا جاقىن. اتالعان شاعىن اۋداندا مەكتەپ بۇرىن مۇلدە بولماعاندىقتان جەرگىلىكتى تۇرعىندار مەكتەپتى قالانىڭ وزگە ايماعىنان, كورشىلەس كراسنىي يار اۋىلىنان ىزدەۋگە ءماجبۇر بولعان. اسىرەسە قىستىگۇنى جاعداي ءتىپتى قيىن بولعان ەكەن. پارتيانىڭ ارقاسىندا ەندى بالالار ۇيلەرىنىڭ جانىنداعى جاڭا مەكتەپتە ءبىلىم الادى.
وسى كۇندەرى مەكتەپ عيماراتىنا جاڭا جيھازدار اكەلىنىپ, اباتتاندىرۋ جۇمىستارى جۇرگىزىلۋدە. سونىمەن بىرگە, مەكتەپ جانىنان 80 ورىندىق شاعىن بالاباقشا اشىلادى.
جالپى, «AMANAT» پارتياسىنىڭ وڭىرلىك سايلاۋالدى باعدارلاماسى اياسىندا الداعى بەس جىلدا 39 مەكتەپ پەن قوسىمشا قۇرىلىس سالۋ, 82 مەكتەپتە كۇردەلى جوندەۋ جۇرگىزۋ, بارلىق ورتا ءبىلىم بەرۋ مەكەمەلەرىن ساپالى ينتەرنەت بايلانىسىمەن قامتاماسىز ەتۋ, بالالاردى وقۋ جىلىنا دايىنداۋ كەزىندە جىل سايىن 1,5 مىڭ كوپبالالى جانە از قامتىلعان وتباسىن قولداۋ جوسپارلانىپ وتىر.
