كولىك اعىنىن تومەندەتۋ ماقساتىندا جۇمىسشىلار كەنتىندە تەمىرجول ارقىلى وتەتىن جاڭا اۆتوموبيل كوپىرىن سالۋ جوسپارلانىپ وتىر. جوبانىڭ قۇنى - 5,9 ملرد تەڭگە. جالپى ۇزىندىعى - 427 مەتر. بيىل «قۋاتتى وڭىرلەر - ەل دامۋىنىڭ درايۆەرى» ۇلتتىق جوباسى اياسىندا بىرقاتار جوبالاردى قولعا الۋ جوسپارلانۋدا.
بۇدان ءارى مينيستر «سەۆكازەنەرگو» اق پەتروپاۆل جەو-2-دە بولدى. بۇگىنگى تاڭدا كاسىپورىندا 12 قازاندىق جانە 7 تۋربواگرەگات بار. توزۋ 53,5%-دى قۇرايدى.
2023 جىلعا ارنالعان بەكىتىلگەن تاريفتەر شەڭبەرىندە جەرگىلىكتى اتقارۋشى ورگاندارمەن بىرلەسىپ كاسىپورىننىڭ ينۆەستيتسيالىق باعدارلاماسى كەلەسى بولىمدەر بويىنشا تۇزەتىلدى:
- 424 ملن تەڭگەگە قازاندىق اگرەگاتىن قايتا سالۋ;
- 740 ملن تەڭگەگە قازاندىق اگرەگاتىن كۇردەلى جوندەۋ;
- جەو-2 تۋربواگرەگاتىن 617 ملن تەڭگەگە قايتا جاڭارتۋ;
- قازاندىقتى 156 ملن تەڭگەگە اۋىستىرۋ.
ايتا كەتسەك, كاسىپورىننىڭ وندىرىستىك قىزمەتكەرلەرىنىڭ جالاقىسى شامامەن 40%-عا ءوستى. قازىر مۇندا 676 ادام جۇمىس ىستەپ ءجۇر.
الىبەك قۋانتىروۆتىڭ ايتۋىنشا, مينيسترلىك ء«تاريفتى ينۆەستيتسياعا ايىرباستاۋ» باعدارلاماسىن جۇزەگە اسىرىپ جاتىر. بۇكىل ەل بويىنشا 62 مىڭ شاقىرىم ينجەنەرلىك جەلىنى جاڭعىرتۋعا شامامەن 3 ترلن تەڭگە ينۆەستيتسيا تارتىلادى دەپ بولجانىپ وتىر. ۇەم-ءنىڭ مالىمەتتەرى بويىنشا, بۇل جەلىلەردىڭ توزۋىن 2029 جىلعا قاراي 20%-عا تومەندەتۋگە مۇمكىندىك بەرەدى.
«جۇرگىزىلىپ جاتقان بارلىق شارالار اپاتتار مەن جەلىدەن اجىراتۋلاردىڭ سانىن تومەندەتۋگە, شىعىنداردى ازايتۋعا مۇمكىندىك بەرەدى. بۇل ءوز كەزەگىندە كورسەتىلەتىن قىزمەتتەردىڭ ساپاسى مەن سەنىمدىلىگىن جاقسارتادى», دەدى مينيستر.
سونداي-اق ۇەم باسشىسى «ريمكازاگرو» جشس قاعاز ونىمدەرىن شىعاراتىن فابريكانىڭ جۇمىسىمەن دە تانىستى.
قاعاز ونىمدەرىنىڭ ءوندىرىسى جىلىنا 5 مىڭ توننانى قۇرايدى. سالىنعان ينۆەستيتسيا كولەمى - 2,5 ملرد تەڭگە. جوباعا «قاراپايىم زاتتار ەكونوميكاسى» باعدارلاماسى شەڭبەرىندە سۋبسيديا بەرىلدى.
فابريكا «رادۋگا» كوپسالالى كومپانياسىنىڭ قۇرامىنا كىرەدى. جالپى اۋدانى 37 گا بولاتىن يندۋستريالدىق كەشەندە بۇعان دەيىن حالىق تۇتىناتىن تاۋارلار مەن ازىق-ت ۇلىك ونىمدەرىن شىعاراتىن بىرنەشە كاسىپورىن ىسكە قوسىلعان ەدى. قازىرگى ۋاقىتتا ءوڭىر حالقىن كوكونىس ونىمدەرىمەن جىل بويى قامتاماسىز ەتۋ ماقساتىندا جىلىجاي كەشەنىنىڭ بەلسەندى قۇرىلىسى ءجۇرىپ جاتىر. جوباعا ينۆەستيتسيالار 7,2 ملرد تەڭگەنى قۇراسا, ونىڭ ىشىندە 1,4 ملرد تەڭگەسى - مەنشىكتى قاراجات.
