«قازگيدرومەت» ماماندارىنىڭ ايتۋىنشا, 3 تامىزدا الماتى مەن اقتوبە تۇرعىندارىن قولايسىز مەتەورولوگيالىق جاعداي كۇتىپ تۇر. اۋاداعى زياندى قوسپالاردىڭ مولشەرى ارتادى.
قولايسىز اۋا-رايى جاعدايلارى (قمج) – اتموسفەرالىق اۋانىڭ بەتكى قاباتىندا زياندى (لاستاۋشى) زاتتاردىڭ جينالۋىنا ىقپال ەتەتىن قىسقا مەرزىمدى مەتەورولوگيالىق فاكتورلاردىڭ (جەڭىل جەل, تۇمان, ينۆەرسيا) جيىنتىعى. قما جاعدايىندا ەلدى مەكەندەردەگى اتموسفەرالىق اۋانىڭ ساپاسى ناشارلاۋى مۇمكىن.
لاستانۋ دەڭگەيىنىڭ قالىپتاسۋىن انىقتايتىن ماڭىزدى فاكتورلاردىڭ ءبىرى سينوپتيكالىق جاعدايدى بولجاۋ (جەل, جاۋىن-شاشىن, ىلعالدىلىق, اۋا تەمپەراتۋراسى).
وسى كۇنى سينوپتيكتەردىڭ حابارلاۋىنشا, قازاقستاننىڭ 16 وبلىسىندا داۋىلدى ەسكەرتۋ جاريالاندى. 11 وبلىستا اپتاپ ىستىق, كەي وڭىرلەردە 41 گرادۋسقا دەيىن ىستىق بولادى.
