بۇل رەتتە بانكتىك دەپوزيتتەر كورسەتكىشى جاعىنان وتباسى بانكى 2,4 ترلن تەڭگەمەن كوش باستاپ, جىل باسىنان بەرگى ءوسىم بىردەن 6%-عا ۇلعايعان. ءبىر ايدىڭ ىشىندە بانك ءوزىنىڭ دەپوزيتتىك قورجىنىنا تاعى 1,4%-دى قوسقان. ودان كەيىن 4,7%-بەن سوماسى 4,4 ترلن تەڭگەدە Kaspi Bank تۇر. قازىرگى تاڭدا ەلىمىزدىڭ قارجى ينستيتۋتىنا اينالىپ, بۇرىن جوعالتقان پوزيتسيالارىن بەلسەندى تۇردە قالپىنا كەلتىرىپ جاتقان Bereke Bank 1,9% وسىممەن 1,1 ترلن تەڭگەگە جەتكەن. تسەنتركرەديت بانكى 1,6% ۇلعايعان.
ءبىر ايتا كەتەرلىگى, قارجى ينستيتۋتى ەلىمىزدىڭ جيناقتارىن جىلجىمايتىن م ۇلىككە اينالدىرۋعا مۇمكىندىك بەرەتىن تۇرعىن ءۇي قۇرىلىس جيناقتارىنىڭ جۇيەسى بويىنشا جۇمىس ىستەيتىنى بار. وسىعان وراي, ارالىق جانە الدىن الا تۇرعىن ءۇي قارىزدارىن الۋدى قامتاماسىز ەتەتىن دەپوزيتتەردى قوسقاندا, تقج شەڭبەرىندەگى بانكتىك سالىمدار ازاماتتاردىڭ تۇرعىن ءۇي جاعدايىن جاقسارتۋدى قولداۋعا ارناپ, رەسپۋبليكالىق بيۋدجەتتەن مەملەكەتتىك سىيلىقاقى الۋ مۇمكىندىگى قاراستىرىلعان. بونۋس مولشەرى 200 اەك-تەن اسپايتىن, جىلدىق جيناق سوماسىنىڭ 20%-ىن قۇراۋى كەرەك.
كوش باسىندا تۇرعان وتباسى بانكتە ءبىر سالىمشىنىڭ بىرنەشە تۇرعىن ءۇي قۇرىلىس جيناق شوتى بولۋى مۇمكىن, بىراق ولاردىڭ بىرەۋىنە عانا مەملەكەتتىك سىيلىقاقى ەسەپتەلەدى. دەگەنمەن دەپوزيتتى تولتىرۋ جۇيەسىن وزگەرتپەستەن كوبىرەك ۇنەمدەۋگە مۇمكىندىك بەرەتىن لايفحاكتىڭ ءبىر ءتۇرى – وتباسىلىق پاكەتتەردى اتاۋعا بولادى. بۇعان تەك ەرلى-زايىپتىلار عانا ەمەس, اتا-انا, اعا-اپكە, بالالار, جالپى, جاقىن تۋىستار يەلىك ەتە الادى. وسى پاكەتتىڭ ءبىر بولىگى رەتىندە بىرنەشە دەپوزيت اشىپ, تابىستى ودان ءارى ارتتىرۋعا دا جاعدايلار قاراستىرىلعان. ماسەلەن, وتباسى بانكتەگى دەپوزيت ءبىر ادامعا بەرىلىپ, ونى اي سايىن 100 مىڭ تەڭگەگە تولىقتىرىپ وتىرسا, سوندا ءۇش جىل ۇنەمدەۋگە مەملەكەت سىيلىقاقىسى 414 مىڭ تەڭگەنى, بەس جىلعا 690 مىڭ تەڭگەنى قۇرايدى ەكەن. اتاپ ايتقاندا, ەكى ەرەسەك ادام اي سايىنعى جارناسى – 80 مىڭ تەڭگە ء(بىر ادامعا – 40 مىڭ تەڭگە) جانە بالاعا – 20 مىڭ تەڭگە. مۇندا وتباسىلىق توپتاماداعى بارلىق دەپوزيتتەردى تولىقتىرۋدىڭ اي سايىنعى سوماسى – سول 100 مىڭ تەڭگە. بىراق ءۇش جىلعا مەملەكەتتىك سىياقى قازىردىڭ وزىندە 720 مىڭ تەڭگەنى, ال بەس جىلعا بىردەن 1,2 ملن تەڭگەنى قۇرايدى.
ءبىر دەپوزيتتىڭ ورنىنا ءۇش سالىم بويىنشا بانكتىڭ سىياقىسى ءسال ارتىق بولاتىنىن ەسكەرسەك, جەكە سالىم ءۇش جىلدا جيناقتالعان جالپى جيناق 4,1 ملن تەڭگەنى, بەس جىلدا 7,1 ملن تەڭگەنى قۇرايدى. ال وتباسىلىق پاكەت شەڭبەرىندەگى ءۇش دەپوزيت ءۇش جىلدا – 4,4 ملن تەڭگە جانە بەس جىلدا – بىردەن 7,6 ملن تەڭگە.
بيىل ەلىمىزدىڭ بانكتەرىندەگى دەپوزيتتەر پورتفەلىنىڭ قىسقارۋى, بيزنەس دەپوزيتتەرى كولەمىنىڭ ازايۋىمەن بايلانىستى بولدى. ماسەلەن, زاڭدى تۇلعالاردىڭ دەپوزيتتەرى جىل باسىنان بەرى 5,1%-عا تومەندەپ, 13,9 ترلن تەڭگەنى قۇراسا, جەكە تۇلعالاردىڭ دەپوزيتتەرى كەرىسىنشە 2,8%-عا ءوسىپ, 17,4 ترلن تەڭگەگە جەتكەن. ناتيجەسىندە, بيىل ءبىرىنشى ماۋسىمدا ەدب دەپوزيتتىك پورتفەلىندەگى حالىق سالىمدارىنىڭ ۇلەسى جىل باسىندا 53,6%, ءبىر جىل بۇرىن 52,1%, بۇگىنگى تاڭدا 55,5%-دى قۇراسا, ون جىل بۇرىن شامامەن 40% عانا بولعان.
