فوتو: قاراعاندى وبلىسى اكىمدىگىنىڭ رەسمي سايتى
وبلىس اكىمدىگىنىڭ رەسمي سايتىنىڭ مالىمدەۋىنشە, جابدىقتار وبلىستىق بيۋدجەت قاراجاتىنا ساتىپ الىنعان. مانەكەندەردەن بولەك ترەناجەرلار دا بار. سونىمەن بىرگە جەدەل جاردەم بريگادالارى پايدالاناتىن دەفيبريللياتورلار, جەلدەتكىشتەر, كارديوگرافتار, رەانيماتسيالىق جيىنتىقتار جانە تاعى باسقا جابدىقتاردىڭ بارلىعى بار.
ء«بىز جەدەل جاردەم قىزمەتكەرلەرىن رەانيماتسيالىق ءىس-شارالار وتكىزۋگە, حالىقارالىق ستاندارتتار بويىنشا شۇعىل مەديتسينالىق كومەك كورسەتۋگە ۇيرەتەمىز. قازىرگى ۋاقىتتا Galileo Medical Center (يزرايل) قامقورلىعىمەن دايىندىقتان وتكەن ەكى حالىقارالىق نۇسقاۋشى جۇمىس ىستەيدى. جاقىن ارادا نۇسقاۋشىلار شتاتى التىعا دەيىن ۇلعايتىلادى. بىزدە ەرەسەكتەر ءۇشىن دە, بالالار ءۇشىن دە نەگىزگى جانە كەڭەيتىلگەن رەانيماتسيا داعدىلارىن پىسىقتاۋعا ارنالعان 12 مانەكەن-ترەناجەر بار», دەيدى وقۋ-سيمۋلياتسيالىق ورتالىعىنىڭ باسشىسى ۆياچەسلاۆ روگوزين.
سونداي-اق ورتالىقتا ديسپەتچەرلەردىڭ بىلىكتىلىگىن ارتتىرۋ ءۇشىن قوڭىراۋلاردى قابىلداۋ-تاراتۋ يميتاتورى جۇمىس ىستەيدى. شەتەلدەردەگىدەي ديسپەتچەر توتەنشە جاعدايدىڭ كەزىندە قوڭىراۋدى ءاردايىم ۇستاپ تۇرادى, نە ىستەۋ كەرەكتىگىن تۇسىندىرەدى.
ۆياچەسلاۆ روگوزيننىڭ ايتۋىنشا, جەدەل جاردەم قىزمەتكەرلەرىن وقىتۋ اعىمعا قويىلادى. وبلىستىڭ بارلىق قالالارى مەن اۋداندارىنىڭ قىزمەتكەرلەرى وزدەرىنىڭ كاسىبي داعدىلارىن شىڭداي الادى. مىندەت – توتەنشە جاعدايلارداعى بارلىق ارەكەتتەردى اۆتوماتيزمگە دەيىن پىسىقتاۋ.
العاشقى مەديتسينالىق كومەك كورسەتۋ ادىستەرىنە الداعى ۋاقىتتا جەدەل جاردەم كولىكتەرىنىڭ جۇرگىزۋشىلەرىن ۇيرەتۋ جوسپارلانعان. سوعان قوسا بارلىق تىلەك بىلدىرۋشىلەردى – مەديتسيناعا ەتەنە جاقىن ەمەس ادامداردى وقىتۋ دا جوسپاردا بار ەكەن, اتالعان جوسپار, ارينە, بىرەۋدىڭ ءومىرىن ساقتاپ قالۋعا مۇمكىندىك بەرۋى ىقتيمال.
وبلىستىق جەدەل جاردەم قىزمەتىندە 1500-گە جۋىق ادام - دارىگەرلەر, فەلدشەرلەر, جۇرگىزۋشىلەر جۇمىس ىستەيدى.
