قالا اكىمدىگى كەپتەلىستى ازايتۋ ءۇشىن بۇل اۋماقتا رەۆەرسيۆتى قوزعالىس ءۇشىن ۋاقىتشا جولاق بولىنەتىنىن ەسكەرتتى. رەۆەرس – جولدارداعى قوزعالىس باعىتى كەرىسىنشە وزگەرۋى مۇمكىن ارنايى جولاق.
بۇعان قوسا, كۇن سايىن ساعات 15:00-دەن 19:00-گە دەيىن جىلۋ جەلىلەرىن جاڭعىرتۋ جونىندەگى جۇمىستاردى جۇرگىزۋ ۋاقىتىندا جول قوزعالىسىنا قوسىمشا باقىلاۋ شارالارى قولدانىلادى.
الماتى اكىمى ەربولات دوساەۆتىڭ تاپسىرماسىنا سايكەس, قۇرىلىسشىلار داڭعىلدىڭ اسفالت جابىنىن قالپىنا كەلتىرۋدەگى بارلىق جۇمىستى وقۋ جىلى باستالعانعا دەيىن اياقتايدى. مەردىگەر قۇرىلىس ۇيىمى جىلۋ ماگيسترالىن رەكونسترۋكتسيالاۋدى تاۋلىك بويى, كىدىرىسسىز جۇرگىزەدى. بۇل ءۇشىن قۇرىلعان بريگادالار ورىندالعان جۇمىستاردىڭ ساپاسىن بارىنشا قامتاماسىز ەتىپ, نىساندا بىرنەشە اۋىسىمدا جۇمىس ىستەيدى.
