رومان سكليار وبلىس اكىمى ەرمەك مارجىقپاەۆپەن بىرگە «كوكشەتاۋ جىلۋ» شجق مكك الداعى جىلىتۋ ماۋسىمىنا دايىندىقتىڭ بارىسىمەن تانىستى.
قالانى جىلۋمەن جابدىقتاۋدى اق-1 جانە اق-2 قازاندىقتارى جۇزەگە اسىرادى.
ايتا كەتسەك, قر ۇكىمەتىنىڭ رەزەرۆىنەن بولىنگەن شامامەن 2,6 ملرد تەڭگە قاراجات ەسەبىنەن اق-1 جانە اق-2 ءتۇتىن قۇبىرلارىن, №7 سۋ جىلىتۋ قازاندىعىن جانە № 8,9,10 قازاندىق اگرەگاتتارىن جوندەۋ جۇمىستارى جۇرگىزىلىپ جاتىر. قازىرگى ۋاقىتتا جوندەۋ جۇمىستارىن جالپى ورىنداۋ 50%-دان اسادى.
سونىمەن قاتار ۇزىندىعى 3,3 كم جىلۋ توراپتارىن اۋىستىرۋ, ۇزىندىعى 3,7 كم جىلۋ وقشاۋلاۋىن قالپىنا كەلتىرۋ جانە جوندەۋ جۇمىستارى جۇرگىزىلۋدە. 1775 م جىلۋ توراپتارى مەن 2 620 م جىلۋ توراپتارىنىڭ وقشاۋلاۋىن جوندەۋ جۇرگىزىلدى. سونداي-اق 3 سورعىنى اۋىستىرۋعا شارت جاسالدى.
«جىلۋ بەرۋ ماۋسىمىنىڭ باستالۋىنا قاراي بارلىق جۇمىستار اياقتالۋى ءتيىس. ءتيىستى قاراجات ءبولىندى, جۇمىس ىستەڭىزدەر. قىركۇيەكتىڭ ورتاسىندا بەستوبە ك. جانە ستەپنوگورسك ق. بارۋدى, قالانىڭ جىلۋمەن جابدىقتاۋ وبەكتىلەرىنىڭ جانە جەو جىلۋ بەرۋ ماۋسىمىنا دايىندىعىن تەكسەرۋدى جوسپارلاپ وتىرمىن», دەپ اتاپ ءوتتى رومان سكليار.
ارالاۋ بارىسىندا پرەمەر-ءمينيستردىڭ ءبىرىنشى ورىنباسارى مەن ءوڭىر باسشىسى سۋ تازارتۋ قوندىرعىلارىنا دا باردى. مەملەكەت باسشىسىنىڭ تاپسىرماسىن ورىنداۋ ءۇشىن «كوكشەتاۋ قالاسىنىڭ سۋ قۇبىرىن تازارتۋ عيماراتتارىن رەكونسترۋكتسيالاۋ جانە كەڭەيتۋ» جوباسى ىسكە اسىرىلىپ جاتىر. بيىل اتالمىش جوبا تۇزەتۋدەن ءوتتى, ەندى ونى ىسكە اسىرۋ ماقساتىندا وبلىستىق بيۋدجەتتەن 1,5 ملرد تەڭگە ءبولىندى. بۇگىنگى تاڭدا مەردىگەر ۇيىممەن قۇرىلىس-مونتاج جۇمىستارى, قۇرىلىس جانە شىعىس ماتەريالدارىن ساتىپ الۋ جۇرگىزىلۋدە.
سونداي-اق ساپار بارىسىندا رومان سكليار مەن ەرمەك مارجىقپاەۆ سارىارقا شاعىن اۋدانى قۇرىلىسىنىڭ بارىسىمەن تانىستى.
قۇرىلىس 2012 جىلى باستالعان ەدى. شاعىن اۋداننىڭ اۋماعى 1120 گا قۇرايدى, ەگجەي-تەگجەيلى جوسپارلاۋ جوبالارىمەن 900 گەكتاردان استام جەر يگەرىلدى.
900 ورىندىق ءال-فارابي اتىنداعى ءىت-مەكتەپ, ءورت ءسوندىرۋ دەپوسى, «ۆيامەديس» كلينيكالىق-وڭالتۋ ورتالىعى, مۇز ارەناسى, 58 كوپ پاتەرلى تۇرعىن ءۇي سياقتى بىرقاتار الەۋمەتتىك ماڭىزى بار وبەكتىلەر پايدالانۋعا بەرىلدى.
280 ورىندىق 2 بالاباقشا, 1200 ورىندىق مەكتەپتىڭ, 150 ورىندىق مۇگەدەكتەرگە ارنالعان وڭالتۋ ورتالىعىنىڭ قۇرىلىسى بويىنشا جۇمىستار جۇرگىزىلىپ جاتىر. سونداي-اق 1500 ورىندىق 2 جايلى مەكتەپ, پوليتسيا دەپارتامەنتى عيماراتتارىنىڭ قۇرىلىسى ءۇشىن جەر ۋچاسكەلەرى ءبولىندى.
قالادا 630 ورىنعا ەسەپتەلگەن كوپبەيىندى وبلىستىق اۋرۋحانا سالۋ جوسپارلانىپ وتىر. 3 جالعا بەرىلەتىن جانە 4 كرەديتتىك ءۇيدى پايدالانۋعا بەرۋ جوسپارلانۋدا.
ودان كەيىن بەستوبە اۋىلى تۇرعىندارىنىڭ باستاماشىل توبىمەن كەزدەسۋ ءوتتى. كەنت تۇرعىندارى جۇمىسقا ورنالاسۋعا جانە كەنىشىنىڭ الداعى ۋاقىتتاعى جاعدايىنا قاتىستى ماسەلەلەردى كوتەردى.
«قازاقالتىن» جشس كاسىپورنىنىڭ جۇمىسكەرلەرىنە قالانىڭ ونەركاسىپ كاسىپورىندارىندا بوس جۇمىس ورىندارى جانە بەلسەندى جۇمىسپەن قامتۋ شارالارى, سونداي-اق 6 ايعا دەيىن جۇمىسىنان ايىرىلۋ بويىنشا الەۋمەتتىك تولەمدەر ۇسىنىلدى.
پرەمەر-ءمينيستردىڭ ءبىرىنشى ورىنباسارى بۇل ماسەلە ۇكىمەتتىڭ باقىلاۋىنا الىنعانى تۋرالى ايتتى.
ء«بىز زاڭ اياسىندا جانە حالىق مۇددەسى ءۇشىن ارەكەت ەتەمىز. تامىز ايىندا سورعىلار مەن قۇبىرلار ورناتىلعان سوڭ بەستوبە كەنىشىندە سۋ سورۋ جۇمىسى باستالادى», دەدى رومان سكليار.
قالپىنا كەلتىرۋ جۇمىسىنىڭ العاشقى كەزەڭدەرىندە 320 استام ادام تارتىلدى. بەستوبە كەنىشى ءتيىسىلى «التىنالماس» اك» اق كومپانياسىنىڭ اقپاراتى بويىنشا, سۋدىڭ اعىزىلۋىنا جانە جاڭا تاۋ گوريزونتىنا قولجەتىمدىلىك بايقالۋىنا قاراي جەرگىلىكتى حالىق اراسىنان شامامەن 300 شاحتەر قوسىمشا تارتىلادى. جالاقىنىڭ تولىق تولەنۋىمەن كاسىپورىندى قالپىنا كەلتىرۋ ءۇشىن جۇمىسكەرلەردىڭ قاجەتتى سانى جۇمىسقا تارتىلاتىن بولادى. قالعان تارتىلماعان جۇمىسكەرلەرگە «التىنالماس» اك» اق جانە «قازاقمىس» كورپوراتسياسىنىڭ باسقا وندىرىستىك الاڭدارىندا جۇمىسقا ورنالاسۋ نۇسقالارى ۇسىنىلادى.
